الماتى قالا قۇرىلىسىن باقىلاۋ باسقارماسىنىڭ ماماندارى «العاباس» شاعىناۋدانىندا سالىنىپ جاتقان جاڭا ٷيلەردٸڭ قۇرىلىسىن تەكسەردٸ, دەپ حابارلايدى "ۇلت اقپارات".
«الاتاۋ اۋدانىنىڭ 23 ۋچاسكەسٸندە اقىن سارا كٶشەسٸنەن سولتٷستٸككە قاراي, مومىشۇلى كٶشەسٸنەن باتىسقا قاراي «نۇرلى جەر» باعدارلاماسى بويىنشا 23 كٶپپەتەرلٸ ٷي سالىنىپ جاتىر. جالپى العاندا اۋدانى - 50,8 مىڭ شارشى مەتر. 740 پەتەر پايدالانۋعا بەرٸلەدٸ. ماماندار مەملەكەتتٸك باعدارلامامەن سالىنىپ جاتقان قۇرىلىس بارىسىن تەكسەردٸ. مەردٸگەر ۇيىمدارعا بٸرقاتار ەسكەرتۋ جاسالدى», - دەدٸ باسقارمادان.
مۇنىڭ الدىندا قالا ەكٸمٸ باقىتجان ساعىنتاەۆ «نۇرلى جەر» باعدارلاماسى بويىنشا سالىنىپ جاتقان ٷيلەردٸڭ قۇرىلىسىن تەكسەرٸپ شىققان بولاتىن.
ەسكە سالايىق, 11 جەلتوقساندا الاتاۋ اۋدانىنداعى «زەردەلٸ» شاعىن اۋدانىنىڭ تۇرعىندارى ٷيلەرٸنٸڭ قيسايعانىن ايتىپ, دابىل قاققان بولاتىن. بۇل ٷيلەر مەملەكەتتٸك باعدارلاما اياسىندا سالىنعان.
كەيٸن باقىتجان ساعىنتاەۆ قيسايعان ٷيدٸڭ تۇرعىندارىمەن كەزدەسٸپ, ەكٸمدٸك ولاردى كٶشٸرۋگە دايىن ەكەنٸن جەتكٸزدٸ.
