Foto: muraǵattan, lada.kz
Mańǵystaýlyq sharýalar jem baǵasyn 50 teńgege túsirýdi talap etip jatyr. Qoishylar qaýymdastyǵynyń sarapshysy Almasbek Sadyrbaev áleýmettik jelide úndeý jariialady. Ol elde jem-shóp baǵasynyń qymbat ekenin aityp, Memleket basyshysynan kómek surady, - dep habarlaidy Tengrinews.kz tilshisi "Astana" telearnasyna silteme jasap.
Sarapshynyń aitýynsha, Mańǵystaý óńirinde maldyń 70 paiyzy qyrylyp qalǵan. Eldiń Ońtústiginde jemniń quny 100 teńgeden asty. Sondyqtan sharýalar jem-shópti nesiege alýǵa májbúr bop otyrǵanyn aitady. Al kórshi Resei men Ózbekstanda kebektiń baǵasy 50 teńgeden aspaitynyn mysalǵa keltiredi.
"Eldegi fermerler nesiege kirip, tapqan qarajatyna jem alyp jatyr. Maldyń barlyǵy qolǵa qarady. Búgingi kúnde Mańǵystaýdyń jerinde 70 paiyz maldyń shyǵyny boldy. Óletini óldi, sonymen 30 paiyz ǵana mal qaldy. Qurmetti Qasym-Jomart Kemeluly, úkimetke tapsyrma berip, qazaq sharýalarynyń osy máselesin sheship berseńiz. Qai jaqtan alyp kelse de, bizge 50 teńgeden jasap berińizder. Qalǵan malymyzdy aman alyp qalaiyq", - deidi Ulttyq mal ósirýshiler qaýymdastyǵynyń tóraǵasy Almasbek Sadyrbaev.
