Nur-Sultan qalasyndaǵy Ulttyq qorǵanys ýniversitetiniń áskeri-gýmanitarlyq ǵylymdar fakýltetine Keńes Odaǵynyń batyry Málik Ǵabdýllin esimi berilip, ardagerdiń qurmetine eskertkish buryshy ashyldy, - dep habarlaidy «Ult aqparat».
Atalǵan igi shara Jazýshy, professor, KSRO Pedagogika ǵylymdary akademiiasynyń naqty múshesi, Keńes Odaǵynyń batyry Málik Ǵabdýllinniń 105 jyldyǵy qurmetine arnaldy. Aitýly mańyzdy sharaǵa atalǵan oqý ornynyń professorlyq-oqytýshylyq quramy men tyńdaýshylary qatysty.
«Er esimi – el esinde» degen ǵoi. Málik Ǵabdýllin qazaqtyń batyry. Namysyn jaýǵa bermegen, halqy úshin janyn qiǵan alyp azamat. Ekinshi dúniejúzidik soǵysta general-maior I. Panfilov atyndaǵy 8-shi gvardiialyq atqyshtar diviziiasynyń quramynda qatysqan batyrdyń esimi búgin bizdiń áskeri oqý ornynda ulyqtalǵanyna sheksiz qýanyshtymyn. Bul áskeri salada oqityn árbir jasqa motivatsiia bolady dep senemin», - dep Ulttyq qorǵanys ýniversitetiniń bastyǵy general-leitenant Sultan Qamaletdinov atap ótti.
Málik Ǵabdýllin Ekinshi Dúniejúzilik soǵysqa general-maior I. Panfilov atyndaǵy 8-shi gvardiialyq atqyshtar diviziiasynyń quramynda qatysqan bolatyn. 1942 jyly Novgorod oblysyndaǵy urysta sarbazdar tobyn basqardy.
Jaýmen shaiqasta olardyń sanynyń basymdyǵyna qaramastan, nemistiń eki tankin granatamen jaryp, kóptegen jaý áskerin joidy jáne 12 jaýdy tutqynǵa aldy. Málik Ǵabdýllin jaralansa da, shaiqasa berdi. Aǵa tárbieshi Málik Ǵabdýllinge osy erligi úshin Keńes Odaǵynyń batyry ataǵymen birge «Lenin» ordeni jáne «Altyn juldyz» medali tabys etildi.
«Málik Ǵabdýllinge arnalǵan eskertkish buryshynyń ashylýy men oǵan joǵary oqý ornynan fakýltettiń ataýy berilýi úlken qurmet pen jaýapkershilik», - dep Ulttyq qorǵanys ýniversitetiniń bastyǵy general-leitenant Sultan Qamaletdinov atap ótti.
Batyrdyń esimi ortalyq kósheler men mektepterge berilgen. 1995 jyly Tuńǵysh Prezident Nursultan Ábishuly Nazarbaevtyń qatysýymen Kókshetaý qalasynda Málik Ǵabdýllinniń elimizdegi alǵashqy murajaiy ashylǵan bolatyn.
Esterińizge sala keteiik, Jazýshy, professor, KSRO Pedagogika ǵylymdary akademiiasynyń naqty múshesi, Keńes Odaǵynyń batyry Málik Ǵabdýllinniń 105 jyldyǵy qurmetine Ulttyq qorǵanys ýniversitetiniń áskeri-gýmanitarlyq ǵylymdar fakýltetine Keńes Odaǵynyń batyry Málik Ǵabdýllin esimi berildi. Sol kúni ardagerdiń qurmetine eskertkish buryshy ashyldy. Aitýly mańyzdy sharaǵa atalǵan oqý ornynyń professorlyq-oqytýshylyq quramy men tyńdaýshylary qatysty.
