QR Bas prokýrorynyń orynbasary Marat Ahmetjanov aýyr qylmystar úshin jazany qataitatyn zań jobasyn tanystyrdy, dep habarlaidy QazAqparat tilshisi.
«Jańa zań jobasynda mal urlyǵy boiynsha jeke quram engizilgen. Urlyq, tonaý, shabýyl áreketteri ǵimaratqa, qoimaǵa nemese kólikke basyp kirý arqyly arqyly jasalǵan jaǵdaida jaza qataitylady. Bul qylmystardy aýyr sanatqa jatqyzý kózdelgen. Iaǵni, aýyr qylmys sanatyna jatqandyqtan, ondai qalmys jasaǵandar zardap shegýshimen tatýlasý arqyly nemese zardaptyń ornyn toltyrý arqyly jazadan jaltarý múmkindiginen aiyrylady», - degen Marat Ahmetjanov bul usynystarynyń sebebin de túsindirdi.
«Qazaq bir-birine «mal-jan aman ba» dep amandasady. Elimizde azamattardyń 40 paiyzy aýyl tóńireginde turady. Mal - aýyl ómiriniń tiregi, kirisiniń kózi. Sondyqtan mal urlyǵyn qylmystyq toppen uiymdasyp jasaǵan jaǵdaida ol aýyr qylmys sanatyna jatqyzylady. Óitkeni, mal urlyǵy kásipke ainalǵan. Shyǵaryp beretin bireý bar, soiatyn bireý bar, tasymaldaityn bireý bar, bazarda satatyn bireý bar, jalǵan anyqtama alyp beretin taǵy bireý bar. Sondyqtan, ony aýyr qylmysqa jatqyzyp otyrmyz. Óitkeni, mal urlyǵy boiynsha uiymdasqan qylmystyq toptar paida bolyp otyr», - dedi prokýratýra ókili.
