Jańa júiede saqtandyrý syiaqylaryn 50 paiyz kóleminde sýbsidiialaý túrindegi memlekettik qoldaý kózdelip otyr. Bul týraly QR Aýyl sharýashylyǵy ministri Saparhan Omarov aitty, dep habarlaidy QazAqparat.
«2020 jyldan bastap respýblikada agroónerkásiptik keshendi erikti saqtandyrýdyń jańa júiesi iske qosyldy. Jańa júiede saqtandyrý syiaqylaryn 50% kóleminde sýbsidiialaý túrindegi memlekettik qoldaý kózdeldi. Júiege saqtandyrý jaǵdailary bastalǵan kezde tólemderdiń kepildigin qamtamasyz etetin halyqaralyq qaita saqtandyrý kompaniialary tartyldy. Barlyq saqtandyrý protsesteri tolyǵymen avtomattandyrylǵan. Ósimdik sharýashylyǵynda saqtandyrý ónimderi jáne alǵash ret mal sharýashylyǵynda iri qara maldy saqtandyrý bekitildi», - dedi S. Omarov Senattaǵy Qazaqstannyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasyn iske asyrý taqyrybyndaǵy Úkimet saǵatynda.
Onyń aitýynsha, 2020 jylǵy kóktemgi dala jáne egin jinaý jumystarynyń qorytyndysy boiynsha astyq egetin alty óńirde 115 myń gektar dándi jáne maily daqyldar egisteri saqtandyryldy. Saqtandyrý jaǵdailary nátijesinde 518,2 mln teńge tólendi. Mal sharýashylyǵynda 2 117 bas iri qara mal saqtandyryldy.
