Elimizde mal urlyǵy 24 paiyzǵa azaidy. Bul týraly QR Bas prokýrorynyń orynbasary Marat Ahmetjanov aitty, dep habarlaidy QazAqparat.
«Aýyr qylmystardyń biri - mal urlyǵy. Prezident bul máselege erekshe kóńil bólip otyr. Mal búginde halyqtyń bailyǵy emes, ol qashanda tirshiliktiń kózi. Qazaq amandasqanda aldymen «mal-jan aman ba?» dep suraidy. Onyń maǵynasy zor. Sebebi qarapaiym qazaq azdaǵan malymen jan baǵyp otyr. Sońǵy jyldary mal urlyǵy kásipke ainalyp, uiymdasqan qylmys túri bolyp ketti. Sondyqtan Qylmystyq kodekske «mal urlaý» degen jeke bap qostyq. Ol nátijesin berýde. Qazirgi kúni mal urlyǵy 24 paiyzǵa azaiyp otyr», - dedi ol Ortalyq kommýnikatsiialar qyzmetindegi baspasóz máslihatynda.
Onyń aitýynsha, jazanyń aýyrlatylýy jáne tatýlasýǵa tyiym salý urlyqqa myqty tosqaýyl boldy.
«Máselen, osy jyldyń mamyrynda Túrkistan oblysynda mal urlyǵymen ainalysqan 5 adamnan turatyn qylmystyq top ustaldy. Olar 200-ge jýyq iri qarany urlap, aýyl adamdaryna milliondaǵan shyǵyn keltirdi. 1 qyrkúiekte mal urlyǵy týraly jańa bappen osy 5 adamnyń árqaisysyn 8 jylǵa bas bostandyǵynan aiyrdy», - dedi Marat Ahmetjanov.
