13 mamyr kúni Túrkistan oblysy Maqtaaral aýdanynyń Atakent aýylyna sý tasqynynan zardap shekkenderge kómek kórsetý úshin avtokerýen kelip jetti, - dep habarlaidy QHA baspasóz qyzmeti.
180 tonnaǵa jýyq gýmanitarlyq júk tielgen 16 aýyr júk kóligin Túrkistan oblysy Qazaqstan halqy Assambleiasy kútip aldy.
#Maqtaaralbizbirgemiz! jáne #JúrekJylýy qaiyrymdylyq sharasy aiasynda respýblika boiynsha etnomádeni birlestikter, Assambleianyń jastary men eriktileri, QHA músheleri men metsenattary qatysyp, azyq-túlik jáne gigienalyq qajettilikter, kiim-keshek, qurylys materialdary, basqa da taýarlardy jinady.
Avtokerýendi jóneltýge qatysqan QHA Tóraǵasynyń orynbasary Janseiit Túimebaev aktsiiaǵa atsalysqandarǵa alǵysyn bildirip, bul qoldaý – aýyzbirshilik pen Qazaqstan halqy birliginiń aiqyn kórinisi ekenin atap ótti. Jalpy aktsiia aiasynda Maqtaaral aýdanynyń turǵyndaryna 63 million 470 myń teńge kóleminde gýmanitarlyq kómek kórsetildi. Assambleia tarapynan qoldaý kórsetý jumysy áli de jalǵasyn tabady.
