Ótken aptada Maqtaral aýdany, Jetisai qalasy, aýdandyq ortalyq «Nuǵman» meshitiniń májilis zalynda aýdandyq ishki saiasat bólimi, densaýlyq saqtaý bólimi, aýdandyq «Nuǵman» meshitiniń uiymdastyrýymen jinalys bolyp ótti.
Májilisti Maqtaral aýdandyq «Nuǵman» meshitiniń bas imamy Syzdyqov Bekzat ashyp berip, kelgen qonaqtardy tanystyryp ótti. Maqtaral aýdandyq «Nuǵman» meshitiniń baspasóz qyzmetiniń habarlaýynsha, aýdandyq ortalyq aýrýhanasynyń bas pediatry Ýalieva Saqypjamal jinalysqa qatysýshy imam- moldalarǵa sheksiz alǵysyn bildirip, qazirgi tańda kóptegen suraqtardy týdyryp júrgen ekpe egý (vaktsina) jaily sóz qozǵady.
Ekpe egýdiń adam densaýlyǵyna paidalylyǵyn, sonymen qatar syrttan keletin virýstarǵa toitarys berý úshin, dúniege kelgen sábidiń densaýlyǵyna da bailanysty ekpe egý qajettiligin túsindirdi. Ary qarai sóz alǵan Maqtaral adýandyq qoǵamdyq densaýlyq saqtaý mekemesiniń qyzmetkerleri profilaktikalyq jumyspen paraqshalar taratty.
Sonymen qatar sóz alǵan aýdandyq «Nuǵman» meshitiniń bas imamy Syzdyqov Bekzat kelgen mamandarǵa: qazirgi tańda osy ekpe (vaktsina) jaily birneshe ǵalamtor jelilerinde aqparat tarap jatyr. Sol aqparatty taratýshylar qandai dálelge súienip aityp jatyr?- dep suraq qoidy. Ýalieva Saqypjamal ol jelidegi taratylǵan materialdardyń barshasy jalǵan jáne dálel- dáieksiz ekendigin aityp, joqqa shyǵardy.
Jinalys sońynda Bekzat Oqapuly kelgen qonaqtardyń túsindirme jumystary joǵary deńgeide ótkendigin aityp, alǵys bildirdi.
Aita ketsek, atalmysh qulshylyq úiiniń ataýy - Imam Aǵzam Ábý Hanifanyń qurmetine «Nuǵman» delingen. Jer kólemi 5 gektar jerdi quraidy. Jalpy, qulshylyq úiinde bir mezette 1 myń adam namaz oqi alady. Toǵyz joldyń torabynda ornalasqan meshittiń 4 munarasy bar. Alla úiiniń qurylys sáýleti ulttyq naqyshpen turǵyzylǵan. Meshittiń konferentsiia zaly, kitaphanasy, eki dárishanasy, bir úlken áielder zaly, neke jáne imamdar bólmesi bar.
