Ońtústik Qazaqstan oblystyq máslihatynyń kezekten tys HHII sessiiasynda 9 másele qaraldy. Onyń ishinde memlekettik - jekeshelik áriptestigi aiasynda salynatyn jobalardyń jaiy talqylandy, dep habarlaidy QazAqparat tilshisi.
Sessiiaǵa oblystyq aýmaqtyq sailaý komissiiasynyń tóraǵasy, qala jáne aýdan ákimderi, Maqtaaral aýdandyq máslihatynyń hatshysy, quqyq qorǵaý organdarynyń, oblystyq aýmaqtyq departamentter men basqarmalardyń, uiymdardyń basshylary jáne BAQ ókilderi qatysty.
Aldymen, depýtattar oblys ákimdiginiń derbes quramyna engen ózgeristerdi sóz etti. Memlekettik - jekeshelik áriptestik aiasynda salynatyn jobalar boiynsha máseleler kóterildi. Oblystyq qarjy basqarmasy bergen aqparatqa súiensek, osy baǵdarlama arqyly biyl óńirde úsh joba júzege asady. Onyń ekeýinde oblystyq mańyzǵa ie kúre joldar kúrdeli jóndeýden ótedi. Taǵy 8 kópqabatty turǵyn úi jeke kásipker esebinen boi tikteidi.
Sóitip, memlekettik-jekeshelik áriptestik aiasynda júzege asatyn jobalar sany 21-ge jetedi. Osydan keiin oblystyń ońtústiginde ornalasqan Maqtaraal men Saryaǵash aýdandaryn bólý máseleleri qaraldy. Sóitip, ótken sessiia otyrysynda talqylanyp, qoldaý tapqan jaitqa qaita ózgeris engizildi. Eske salsaq, ótken joly Maqtaral aýdanyn úshke bólý týraly usynys maquldanǵan bolatyn. Al, máslihattyń kezekti otyrysynda atalmysh aýdandy ekige bólý týraly sheshim qabyldandy.
Depýtattardyń aitýynsha, maqtaly óńirdiń halqy eki aýdannyń birin Jetisai, ekinshisin Myrzashól dep ataýdy usynyp otyr eken. Endi bul usynystar Respýblikalyq onomastika komissiiasynda qaralady. Sessiia sońynda birqatar azamattar oblystyń áleýmettik-ekonomikalyq jáne qoǵamdyq-saiasi damýyna qosqan súbeli úlesteri úshin Qurmet gramotasymen marapattaldy.
