Ózbekstannyń bir azamaty sý tasqyny kezinde kanaldaǵy sýmen Maqtaaralǵa aǵyp kelgen. Bul týraly Túrkistan oblysynyń qoǵamdyq densaýlyq basqarmasynyń basshysy Marat Pashimov kezekti brifing barysynda málimdedi, dep habarlaidy "Ult aqparat".
Basqarma basshysynyń aitýynsha, ózbekstandyq keshe túnde kanal jaǵasynan tabylǵan. Belgili bolǵandai, ol óziniń atymen birge sýǵa aǵyp ketken. Sol sýdyń aǵysymen ol Maqtaaral aýdanynyń Jeńisti aýylyna jetkende, turǵyndar ony baiqap qalǵan. Sóitip ony jabylyp júrip sýdan shyǵaryp alǵan.
«50 jastaǵy er adam Maqtaaral aýdandyq aýrýhanasyna jatqyzyldy. Sýǵa batqan adamǵa «jeńil túri» degen diagnoz qoiylǵan. Oǵan alǵashqy meditsinalyq kómek kórsetilgen, jaǵdaiy qanaǵattandyrarlyq. Búgin túste ol jaǵdaiy jaqsarǵan soń, aýrýhanadan shyǵyp ketken. Ol Ózbekstanǵa keri qaitamyn dep túsindirdi», - dedi Marat Pashimov.
Aita keteiik, buǵan deiin áleýmettik jelilerde aty ólgen bir adam Ózbekstannan aǵyp kelgeni týraly aqparat taraǵan bolatyn.
