Sardoba sý qoimasynan Maqtaaral aýdanyna aǵyp kelgen topan sýdaǵy balyqtar jeýge jaramsyz. QR AShM veterinariialyq baqylaý jáne qadaǵalaý komitetine qarasty «Respýblikalyq veterinariialyq zerthana» mamandary osyndai qorytyndy shyǵarǵan, dep habarlaidy "Ult aqparat".
Zerthana mamandarynyń aitýynsha, topan sýdaǵy balyqtardyń ishki aǵzasynan bakteriialardyń birneshe túri tabylǵan.
«Biz 12 mamyr kúni sý basqan eldimekenderdegi balyqtyń jaramdylyǵyn anyqtaý maqsatynda 4 dana balyqty «Respýblikalyq veterinariialyq zerthanaǵa» jibergen bolatynbyz. Búgin qolymyzǵa saraptama qorytyndysy kelip tústi. Osy qorytyndyǵa sai biz sý basqan aýmaqtarda balyq aýlaýǵa bolmaitynyn eskertemiz. Sonymen qatar, balyq aýlaý faktileriniń tirkelmeýin qadaǵalaimyz», - dedi Túrkistan oblystyq orman sharýashylyǵy jáne janýarlar dúniesi aýmaqtyq inspektsiiasy balyq sharýashylyǵy bóliminiń basshysy Sháken Boranbai.
Osyǵan orai Túrkistan oblystyq orman sharýashylyǵy jáne janýarlar dúniesi aýmaqtyq inspektsiiasy sarqyndy sýdaǵy balyqty aýlap, kózin joiý jumystaryn bastap ketti.
Sondai-aq, halyq arasynda balyqty aýlaýǵa jáne tutynýǵa bolmaityny jóninde nasihat jumystary jalǵasýda.
