Qaiyrymdylyq kerýenin Qazaqstan halqy Assambleiasy men «Jambyl oblystyq «Vynhýa» dúngender qaýymdastyńynyń mádeni ortalyǵy» qoǵamdyq birlestigi jóneltti, - dep habarlaidy QazAqparat.
5 mln teńgeniń gýmanitarlyq kómegi tótenshe jaǵdai jónindegi shtabtyń ortalyq qoimasyna jetkizildi. Eriktiler men jaýapty azamattar 30 tonnaǵa jýyq taýardy turǵyndarǵa úlestirip beretin bolady.
Aita keteiik, Jambyldan jetken kómektiń ishinde 11 tonna un men 2,5 tonna qant, 2,5 tonna kúrish pen 1,5 tonna makaron, 1500 litr ósimdik maiy men 5,3 tonna kartop, 500 keli piiaz ben 300 keli tuz, 1000 qorap shái men tazalyq zattary bar.
Osylaisha, dúngen etnosynyń ókilderi maqtaaraldyqtarmen birge ekenin dáleldep, Myrzashóldiń tez eńse tikteýine tilektes ekenderin jetkizdi. Kerýendi bastap kelgen Qordai aýdany, Sortóbe aýylynyń ákimi Iliias Býlarov tutas Qazaqstan jurtshylyǵy bir halyq retinde judyryqtai jumylsa, alynbas qamal joq ekenin aitty.
Óz kezeginde «Nur Otan» partiiasy Túrkistan oblystyq filialy tóraǵasynyń birinshi orynbasary Beisenbai Tájibaev qiyn kezeńde janashyrlyq tanytyp, ystyq yqylasyn ala kelgen qordailyqtarǵa alǵysyn bildirdi. Is-sharany úilestirip, uiymdastyrǵan oblystyq Qazaqstan halqy Assambleiasy hatshylyǵynyń ókilderine birtutas qazaq eliniń birligin nyǵaitatyn bastamalar jalǵasatynyn málimdedi.
