Tasqynnan zardap shekken maqtaaraldyqtarǵa Álisher Ýsmanovtyń qorynan bólingen qarajat berile bastady. Tótenshe jaǵdai kezinde evakýatsiialanǵan 5202 otbasynyń jeke shotyna 1 myń AQSh dollarynan aýdarylýda, - dep habarlaidy QazAqparat.
Búginde evakýatsiialanǵan maqtaaraldyqtardyń alǵashqy legi qarajatynyń sertifikatyn aldy. Aýdanda qarajat alatyn barlyq azamattyń qujaty qabyldanyp jatyr. Qujattar tolyq jinalǵan kezde árbir otbasy ózine tiesili qarjyǵa qol jetkizbek.
«Memleket basshysynyń tapsyrmasymen tasqyn bolǵan aýyldardaǵy 6100 adamǵa 100 myń teńgeden berip jatyrmyz. Tótenshe jaǵdai kezinde tek sý basqan aýyldar emes, qaýip tóngen eldimeken turǵyndary da kóshirildi. Endigi kezde Álisher Ýsmanovtyń qorynan bólingen 2,3 mlrd teńge evakýatsiialanǵan 5202 otbasyna 422 myń teńgeden (1000 AQSh dollary) úlestiriledi. Bul otbasylarda 30 420 adam bar»,- dedi oblys ákimi Ómirzaq Shókeev.
Aita keteiik, buǵan deiin reseilik kásipker Álisher Ýsmanov sý tasqynynan zardap shekken Maqtaaral aýdanynyń evakýatsiialanǵan turǵyndary úshin «Túrkistan» áleýmettik damý korporativtik qoryna 5,2 mln AQSh dollaryn aýdarǵan bolatyn.
