Maqtaaral aýdanynda sý tasqynynan zardap shekken azamattardy asa qajet taýarlarmen qamtamasyz etý úshin 600 tonnadan astam gýmanitarlyq kómek jinaldy. Óz kezeginde jergilikti kásipker Qanat Maratuly ózge óńirden gýmanitarlyq kómek ákelgen júk kólikterine 600 tonna qyryqqabatyn tegin tiep jiberdi, dep habarlaidy "Ult aqparat".
Maqtaaraldyq diqan elimizdiń barlyq óńirlerinen kelip jatqan kómekke osylaisha óz rizashylyǵyn bildirdi. Bul is aýdan ákimi Baqyt Asanovtyń bastamasymen qolǵa alynyp otyr.
Kásipkerdiń aitýynsha, maqtaaraldyqtarǵa qiyn tusta kómek qolyn sozǵan azamattarǵa alǵyspen jaýap qatý – azamattyq paryz.
Aita keterligi, búgingi tańda evakýatsiialyq pýnkterde ornalasqan zattardyń 218 tonnasy tasqynnan zardap shekken turǵyndarǵa taratylǵan. Onyń basym bóligi - azyq-túlik, gigienalyq, meditsinalyq, turmystyq-tehnikalyq, qurylys zattary jáne kiim-keshek.
