Maqtaaral aýdanyndaǵy topan sýdan zardap shekken eldimekender tolyqtai sýdan tazartyldy. Bul týraly Túrkistan oblysy ákiminiń orynbasary Sáken Qalqamanov Facebook paraqshasynda jariia etti, dep habarlaidy "Ult aqparat".
«Sizderge jaǵymdy jańalyqty jetkizgim keledi. Maqtaaral aýdanyndaǵy sý basqan eldimekenderdiń barlyǵy sýdan tazartyldy. Onda ákimdik, Qazsýshar, TJK, áskeriler men Ózbekstan Respýblikasy tótenshe jaǵdai qyzmetkerleriniń jumylyp jumys isteýiniń arqasynda az ýaqyt ishinde Sardoba sýyn aryq-atyzdar men kollektorlarǵa buryp, turǵyndardyń qalypty ómirge oralýyna jaǵdai jasaldy» dep jazady Sáken Qalqamanov.
Aita keteiik, Ózbekstandaǵy «Sardoba» sý qoimasy jarylyp, ondaǵy sý Maqtaaral aýdanynyń bes eldimekenin shaiyp ketken bolatyn.
