Maqtaaral aýdanyndaǵy sý basqan Jeńis, Nurly jol, Jańa turmys, Firdaýsi, Órgebas jáne Dostyq eldi mekenderi aýmaǵynan 8767 tekshe metr sý shyǵaryldy. Úzdiksiz sý tartyp shyǵarý nátijesinde avtojoldar sýdan tazardy, dep habarlaidy "Ult aqparat" óńirlik kommýnikatsiialar qyzmetine silteme jasap.
Sý deńgeii Jańa turmys jáne Jeńis aýyldarynda 6 sm tómendep, 44 santimetrdi qurasa, Firdaýsi jáne Dostyq aýyldarynda sý 9 sm kemip, qazir 35 sm deńgeiinde. Al Órgebas aýylynda «Kazsýshar» málimetine sáikes, sýdyń qaitýyna bailanysty deńgeiin qadaǵalaý toqtatylǵan.
Sonymen qatar, sý basqan aimaqtaǵy 3 myńnan asa úiden zattar shyǵarylyp, ielerine tapsyryldy. Sondai-aq, sýdan 924 mal óleksesi shyǵaryldy.
Jalpy sý basqan aýyldarda apattyq-qutqarý jumystaryna 1626 adam, 17 júzý qurylǵysy, 324 tehnika, 217 sý sorǵy jumyldyrylǵan.
