Búgin Maqtaaral aýdanynda aýdandyq tótenshe jaǵdailardyń aldyn alý jáne olardy joiý jónindegi komissiianyń kezekti otyrysy ótti. Aýdan ákiminiń orynbasary B.Tórebekov tóraǵalyq etken jiynnyń kún tártibinde aýdandaǵy egistik alqaptardyń qysqy sor shaiý kezeńine daiyndyǵy men qaýipsizdik máseleleri qaraldy.
Eń birinshi sóz alǵan «Qazsýshar» RMK Maqtaaral bólimshesiniń basshysy Sh.Omarov keń kólemde baiandama jasady.
«Maqtaaral aýdany aýmaǵynan ótetin «Dostyq» magistraldy kanalynan aǵyndy sýlardy negizgi kanaldardyń gidrotehnikalyq imarattar arqyly apatsyz ótkizý, sý sharýashylyǵy imarattarynda apatty jaǵdailardyń aldyn alý is-sharalary júrgizilýde. «Dostyq» kanaly bóliginen aǵyn sýlardy apatsyz jáne qaýipsiz ótkizý, sý basý qaýpi múmkin eldi mekender aýmaǵynda, sý sharýashylyǵy nysandarynda olardyń aldyn alý úshin baqylaý beketterin uiymdastyrý boiynsha jaýapty mamandar bekitilip, kezekshilik uiymdastyrylýda. Kanaldyń óndiristik shtatynda 56 adam qyzmet atqaryp, 4 bólimde dispecherlik kezekshilik júrgizilýde. Biylǵy jylǵa «Dostyq» kanalyna respýblikalyq biýdjetten qurylys jóndeý jumystaryna 38 mln. teńge jumsalyp, 24,5 shaqyrym sý arnalary mehanikalyq tazalaýdan ótip, gidrotehnikalyq qurylymdar men dambalar jóndeýden ótkizildi» - dedi Sh.Omarov.
Jiyn barysynda sóz alǵan aýyl sharýashylyǵy bóliminiń basshysy Ý.Myrzamdanov egistik alqaptardy qysqy sor shaiý kezeńinde sharýalar eskerýi tiis arnaiy erejelerdi atap ótti. Onyń aitýynsha egistik alqaptardy sor shaiý kezeńinde pal alýdy durys uiymdastyryp, sýdyń berilý mólsherin qatań qadaǵalasa – eshqandai olqylyq oryn almaidy eken.
Májilisti qorytyndylaǵan aýdan ákiminiń orynbasary B.Tórebekov sý tasqyny jaǵdaiynyń aldyn alý boiynsha jumystardy toqtatpaý kerektigin aityp, tiisti mekeme basshylaryna naqty tapsyrmalar berdi.
Aita keteiik, Maqtaaral aýdanynda qys-kóktem ailaryndaǵy sý tasqyny jaǵdaiyna qarsy tiisti apattyq materialdar qory qurylǵan. Sý sharýashylyǵy nysandarynyń tehnikalyq jai kúiine, sý arnalarynyń jaǵdaiyna zertteýler júrgizilip, tiisti jumystar jasalǵan.
Maqtaaralda sý tasqyny jaǵdaiynyń aldyn alý boiynsha jiyn ótti
