Maqtaaral aýdanynda jańadan salynyp jatqan móltekaýdannyń qurylysyna 600 adam tartylǵan. Bul týraly oblys ákimi Ómirzaq Shókeevtiń qatysýymen ótken jiynda aityldy, dep habarlaidy "Ult aqparat".
Aimaq basshysyna aýdandaǵy tótenshe jaǵdai saldaryn joiý jumystarynyń barysyn baiandaǵan sala basshylary jańadan irgesi qalanǵan yqsham aýdanda táýlik boiy qurylys jumystary júrip jatqanyn jetkizdi.
Qurylys alańyna tartylǵan jumysshylardyń basym bóligi - Jetisai men Maqtaaral aýdanynyń turǵyndary. Mamandardyń aitýynsha, aýdanda sý alǵan úiler men mal basy, egistik alqaptarynyń qujattary jinaqtalýda. Olarǵa saraptama jumystary júrgizilip jatyr. Zardap shekken úilerdi baǵalaý jumystaryn arnaiy qurylǵan komissiia anyqtaidy.
Budan ózge jiynda zardap shegýshilerge jetkizilgen gýmanitarlyq kómekterdiń barysy da aityldy. Búgingi kúnge Maqtaaral aýdanyna Nur-Sultan, Almaty, Shymkent qalalary men Qyzylorda, Pavlodar, Atyraý, Jambyl, Shyǵys Qazaqstan oblystarynan qaiyrymdylyq kómek kelgen.
Nátijesinde oblystyq shtab qoimasyna 408 tonnadan astam gýmanitarlyq kómek jinalǵan. Al, turǵyndar tarapynan turmysqa qajetti qysqa tolqyndy pesh, útik, teledidar, tońazytqysh, kir jýý mashinalaryna tapsyrystar kóptep túsýde.
