ماقتاارال اۋدانىندا جاڭادان سالىنىپ جاتقان مٶلتەكاۋداننىڭ قۇرىلىسىنا 600 ادام تارتىلعان. بۇل تۋرالى وبلىس ەكٸمٸ ٶمٸرزاق شٶكەەۆتٸڭ قاتىسۋىمەن ٶتكەن جيىندا ايتىلدى, دەپ حابارلايدى "ۇلت اقپارات".
ايماق باسشىسىنا اۋدانداعى تٶتەنشە جاعداي سالدارىن جويۋ جۇمىستارىنىڭ بارىسىن بايانداعان سالا باسشىلارى جاڭادان ٸرگەسٸ قالانعان ىقشام اۋداندا تەۋلٸك بويى قۇرىلىس جۇمىستارى جٷرٸپ جاتقانىن جەتكٸزدٸ.
قۇرىلىس الاڭىنا تارتىلعان جۇمىسشىلاردىڭ باسىم بٶلٸگٸ - جەتٸساي مەن ماقتاارال اۋدانىنىڭ تۇرعىندارى. مامانداردىڭ ايتۋىنشا, اۋداندا سۋ العان ٷيلەر مەن مال باسى, ەگٸستٸك القاپتارىنىڭ قۇجاتتارى جيناقتالۋدا. ولارعا ساراپتاما جۇمىستارى جٷرگٸزٸلٸپ جاتىر. زارداپ شەككەن ٷيلەردٸ باعالاۋ جۇمىستارىن ارنايى قۇرىلعان كوميسسييا انىقتايدى.
بۇدان ٶزگە جيىندا زارداپ شەگۋشٸلەرگە جەتكٸزٸلگەن گۋمانيتارلىق كٶمەكتەردٸڭ بارىسى دا ايتىلدى. بٷگٸنگٸ كٷنگە ماقتاارال اۋدانىنا نۇر-سۇلتان, الماتى, شىمكەنت قالالارى مەن قىزىلوردا, پاۆلودار, اتىراۋ, جامبىل, شىعىس قازاقستان وبلىستارىنان قايىرىمدىلىق كٶمەك كەلگەن.
نەتيجەسٸندە وبلىستىق شتاب قويماسىنا 408 توننادان استام گۋمانيتارلىق كٶمەك جينالعان. ال, تۇرعىندار تاراپىنان تۇرمىسقا قاجەتتٸ قىسقا تولقىندى پەش, ٷتٸك, تەلەديدار, توڭازىتقىش, كٸر جۋۋ ماشينالارىنا تاپسىرىستار كٶپتەپ تٷسۋدە.
