Maqtaaral aýdanynda probatsiia máseleleri boiynsha májilis ótti, dep habarlaidy "Ult aqparat" Maqtaaral aýdany ákiminiń baspasóz qyzmetine silteme jasap.
Jiynǵa aýdan ákiminiń orynbasary A.Eshanqulova, kentter men aýyldyq okrýgterdiń ákimderi, aýdandyq derbes bólim basshylary jáne quqyq qorǵaý organdarynyń ókilderi qatysty.
Kún tártibinde bas bostandyǵynan aiyrý mekemelerinen bosaǵan jáne shartty túrde synaq merzimin alǵan azamattardy áleýmettik qamtý, olardyń qaita qylmys jasaýyna jol bermeý maqsatynda usynystar ortaǵa salynyp, tiisti mekemelerge hattamalyq tapsyrmalar berildi.
Jiyn barysynda aýdandyq probatsiia bóliminiń basshysy, ádilet kapitany B.Kógenbai men aýdandyq halyqty jumyspen qamtý ortalyǵynyń direktory Á.Jumadilaevtyń esebi tyńdalyp, usynystary qaraldy. Sondai-aq, aýdan ákiminiń orynbasary A.Eshanqulova mekeme basshylarynyń aldaǵy josparlaryn aiqyndap, atqarylýy kerek jumystarǵa baǵyt kórsetti.
Aita keteiik, jyl basynan beri Maqtaaral aýdandyq probatsiia qyzmetiniń esebinen ótken 370 sotty bolǵan azamatqa 1189 áleýmettik-quqyqtyq kómek kórsetilgen. Sondai-aq, 2 azamatqa meditsinalyq emdeý, 368 azamatqa psihologiialyq kómek kórsetilse, 13 azamattyń arnaiy mamandandyrylǵan orta bilim aýlyna járdem berilgen.
Budan bólek, sotty bolǵan 203 azamat jumysqa ornalastyrylǵan, 17 azamatqa aýdandyq halyqty jumyspen qamtý jáne áleýmettik baǵdarlama bólimi tarapynan ártúrli kómekter kórsetilgen. Sondai-aq, 586 azamatqa basqa da kómekter kórsetilgen.
