Sý tasqyny kezinde iz-túzsiz joǵalyp ketken ózbekstandyq sarbaz Maqtaaral aýdanynan izdestirilýde. Bul týraly Shymkent qalalyq TJD málimet taratty, dep habarlaidy "Ult aqparat".
Shymkent qalalyq TJD baspasóz qyzmetiniń málimetinshe, kórshi eldiń sarbazyn izdestirýge 20 maýsym kúni jedel-qutqarý jasaǵynyń músheleri attanyp ketken.
«20 maýsymda TJ komitetiniń basshylyǵynan Ózbekstan Respýblikasy Ulttyq gvardiiasynyń 1992 j. t. áskeri qyzmetshisin izdestirý jumystaryn júrgizýge kómek kórsetý týraly hat kelip tústi. Osy hatqa orai Maqtaral jáne Jetisai aýdandaryndaǵy sý basý aimaqtarynda jáne sý qoimalarynda izdestirý jumystaryn júrgizý úshin «Shardara» qutqarý beketinen 5 qutqarýshy, 1 tehnika jáne 1 qaiyq shyqty. Bul jumystarǵa Jedel-qutqarý jasaǵynyń 2 kinology da tartyldy», delingen habarlamada.
