Maqtaaral aýdanynda endi Myrzakent kentiniń turǵyndary shuǵyl túrde evakýatsiialana bastady. Aýdan ákimdigi turǵyndarǵa tez arada jinalý kerektigi týraly eskertti.
Aýdan ákimdiginiń Facebook jelisindegi paraqshasynda halyqtyń qaýipsiz jerge kóshiriletini habardar etildi.
«Aýdan ortalyǵy Myrzakent kentine sý basý qaýpi týyndaýyna bailanysty turǵyndardy evakýatsiialaý júrgizilýde. Osy maqsatta 68 avtobýs ázirlenip, Dostyq kanalynyń boiyndaǵy kópirge jáne ortalyq bazar mańyna qoiylǵan. Sondai-aq, evakýatsiialaý jumystaryna 60 tótenshe jaǵdai qyzmetkeri, 300 ásker, 50 politsiia qyzmetkeri jumyldyrylǵan. Atalǵan jumystarǵa Jetisai, Shardara, Keles, Saryaǵash aýdandarynyń ákimderi men ákimdik qyzmetkerleri de atsalysýda. Kórshi-qolańdaryńyzǵa eskertińizder. Jyly kiim men qujattaryńyzdy alyp alyńyzdar. Gaz, sý, elektr jaryǵyn sóndirýdi umytpańyzdar! Sonymen qatar, kóligi bar azamattar evakýatsiia jasaýǵa atsalysýlaryńyzdy suraimyz» delingen habarlamada.
