Maqtaaral aýdanyndaǵy eriktiler topan sýdan zardap shekkenderge 50 tonnaǵa jýyq áleýmettik kómek jetkizdi.
«Nur Otan» partiiasynyń qoldaýymen jáne jastar men eriktilerdiń bastamasy negizinde qurylǵan «Birgemiz, Maqtaaral!» shtabynyń músheleri Sondai-aq, barlyq evakýatsiialyq ortalyqtar men túrli baǵyttar boiynsha qyzmet kórsetedi, habarlaidy "Ult aqparat".
Atalǵan eriktiler shtabyna Túrkistan oblystyq Jastar resýrstyq ortalyǵy direktory Amalbek Ómirtai jetekshilik etedi. Shtabtyń quramyna Maqtaral aýdandyq jastar resýrstyq ortalyǵynyń basshysy Súndet Kenjebaev pen «Jas Otan» jastar qanatynyń tóraǵasy Janserik Juman, Ahmet pen Yqylas jáne Oljas Mamyr, Azat Didarbek, Aigerim Aitahanova siiaqty t.b. belsendiler tartylǵan.
500-ge jýyq volonterler qyzmet etetin shtabtyń ókilderi tótenshe jaǵdaidyń bastapqy kúnderinen bastap toǵandar men dambalar jasaýǵa jumyldyrylǵan. Al, 100-ge jýyq erikti qoimadaǵy jumystarǵa atsalysyp, birqatary azyq-túlikterdi úlestirý-tasymaldaý sharalaryn atqarýda. Búgingi kúnge deiin evakýatsiialyq pýnktterdegi turǵyndarǵa úsh mezgil ystyq tamaq uiymdastyrylyp, koronovirýs indetiniń taralýyn aldyn alý boiynsha saqtyq sharalary jolǵa qoiylǵan.
Volonterlerdyń kómegimen 20 myńnan astam betperde men antiseptikalyq quraldar taratylyp, túsindirý jumystary júrgizilgen. Sý tasqyny bolǵan on kún ishinde «Birgemiz, Maqtaaral!» volonterlar shtaby 1100-den astam turǵynǵa, 150 otbasyǵa qajetti kiim-keshek pen qural-saiman, turmystyq jáne jeke gigienalyq zattar jetkizip bergen.
