Túrkistan oblysynda erikti áskeri jasaq tótenshe jaǵdai oryn alǵan Maqtaaral aýdanyndaǵy turǵyndardy evakýatsiialaý jumystarymen ainalysýda. Eriktiler sonymen qatar tasqyn sýdyń aýdan ortalyǵyna ótý qaýpin seiiltý maqsatynda qolǵa alynyp jatqan sharalarǵa belsendi atsalysýda, dep habarlaidy "Ult aqparat".
Eriktilerdiń qatarynda Keles, Maqtaaral,Saryaǵash jáne Jetisai aýdandarynan tartylǵan 60 áskeri jasaq bar. Sonymen qatar, Firdaýsi eldi mekeninen evakýatsiialanǵan 17 azamat óz erikterimen áskeriler jasaǵyna kómektesip, Jańa jol aýyldyq okrýgindegi kanaldyń boiyna damba turǵyzýda. Jalpy sany 3 myńǵa jýyq bos qapshyqqa qum salynyp, qazirde kanal boiynan 3 qatar uzyndyǵy 500 metr jerge qalandy. Bul jumystar áli de báseńsigen joq.
Eske sala ketsek, óńirde qaterli indetpen kúresý maqsatynda jáne turǵyndardyń qaýipsizdigin qamtamasyz etý úshin erikti áskeriler jasaǵy qurylǵan bolatyn.
