تٷركٸستان وبلىسىندا ەرٸكتٸ ەسكەري جاساق تٶتەنشە جاعداي ورىن العان ماقتاارال اۋدانىنداعى تۇرعىنداردى ەۆاكۋاتسييالاۋ جۇمىستارىمەن اينالىسۋدا. ەرٸكتٸلەر سونىمەن قاتار تاسقىن سۋدىڭ اۋدان ورتالىعىنا ٶتۋ قاۋپٸن سەيٸلتۋ ماقساتىندا قولعا الىنىپ جاتقان شارالارعا بەلسەندٸ اتسالىسۋدا, دەپ حابارلايدى "ۇلت اقپارات".
ەرٸكتٸلەردٸڭ قاتارىندا كەلەس, ماقتاارال,سارىاعاش جەنە جەتٸساي اۋداندارىنان تارتىلعان 60 ەسكەري جاساق بار. سونىمەن قاتار, فيرداۋسي ەلدٸ مەكەنٸنەن ەۆاكۋاتسييالانعان 17 ازامات ٶز ەرٸكتەرٸمەن ەسكەريلەر جاساعىنا كٶمەكتەسٸپ, جاڭا جول اۋىلدىق وكرۋگٸندەگٸ كانالدىڭ بويىنا دامبا تۇرعىزۋدا. جالپى سانى 3 مىڭعا جۋىق بوس قاپشىققا قۇم سالىنىپ, قازٸردە كانال بويىنان 3 قاتار ۇزىندىعى 500 مەتر جەرگە قالاندى. بۇل جۇمىستار ەلٸ دە بەسەڭسٸگەن جوق.
ەسكە سالا كەتسەك, ٶڭٸردە قاتەرلٸ ٸندەتپەن كٷرەسۋ ماقساتىندا جەنە تۇرعىنداردىڭ قاۋٸپسٸزدٸگٸن قامتاماسىز ەتۋ ٷشٸن ەرٸكتٸ ەسكەريلەر جاساعى قۇرىلعان بولاتىن.
