Maqtaaral aýdanynyń Órgebas aýylynda ótkizilgen is-sharalardyń nátijesinde avtokólik qozǵalysy úshin ishki avtojoldar ashyldy, dep habarlaidy "Ult aqparat" Tótenshe jaǵdailar komitetiniń baspasóz qyzmetine silteme jasap.
Komitet málimeti boiynsha, aýdandaǵy apat saldaryn joiýǵa IIM, Qorǵanys ministrligi, jergilikti atqarýshy organdardyń jáne Ózbekstan Respýblikasy TJM-nyń 1 626 mamany, 324 tehnika, 17 qaiyq, 217 sý sorý tehnikasy jumyldyryldy.
«Nurlyjol, Jańaturmys, Ferdoýsi, Órgebas, Dostyq jáne Jeńis aýyldarynda 6,1 mln tekshe metr sý sorǵyzylǵan. Nurlyjol, Ferdoýsi, Órgebas, Yrysty jáne Jantaqsai aýyldarynda jalpy uzyndyǵy 22 shaqyrym ýaqytsha bóget turǵyzyldy, Myrzakent aýyly baǵytynda 3 kollektor ornatyldy, qum salynǵan 87 myń qap tóselgen.
Jeńis, Órgebas, Ferdoýsi aýylyndarynda Ulttyq ulan jáne Qorǵanys ministrliginiń áskeri qyzmetshileri sý basqan úilerdi jáne aýlalardy saz balshyqtan tazartyp jatyr», delingen habarlamada.
Apattar meditsinasy ortalyǵynyń shuǵyl brigadasy Ferdoýsi, Órgebas jáne Nurlyjol aýyldarynyń 30 turǵynyna meditsinalyq kómek kórsetken.
Budan basqa, Túrkistan oblysynyń TJD men Apattar meditsinasy ortalyǵynyń psihologtary Jeńis jáne Ferdoýsi aýylynda 226 turǵynǵa shuǵyl psihologiialyq kómek kórsetken.
Qazir aýdanda qoǵamdyq tártipti qamtamasyz etý úshin 4 blokpost (Jańaturmys, Ferdoýsi, Órgebas, Jantaqsai aýyldarynda) qoiylǵan.
