Foto: okg.kz
Túrkistan oblysynyń ákimi Darhan Satybaldynyń tapsyrmasyna sáikes Jetisai aýdanyna jumys saparymen barǵan oblys ákiminiń orynbasary Nurbol Turashbekov pen oblystyq aýyl sharýashylyǵy basqarmasynyń basshysy Nurbek Badyraqov maqta alqaptary men maqta zaýyttarynda, maqta qabyldaý pýnktterinde bolyp, sharýalarmen tildesti. Negizgi tabysyn agrosektordan alatyn aýdanda ónim kólemi men sapasyn arttyrý maqsatynda tik drenajdardy iske qosý, eldi mekenderdegi jerasty sýyn tómendete otyryp kógaldandyrý, abattandyrý boiynsha atqarylyp jatqan jumystarmen tanysty.
Jalpy sany 380 dana tik drenajdy uńǵymalardyń 170-si ǵana turaqty jumys istep turǵan aýdanda 2023 jyldyń qazan aiynda QR Sý resýrstary jáne irrigatsiia ministrligi «QazSýshar» RMK tapsyrysymen «Islam Damý Banki» qarjysy esebinen 210 dana tik drenajdy uńǵymany qaita qalpyna keltirý jumystary bastalǵan. Bul jumys 2026 jyly tolyǵymen aiaqtalyp, el igiligine tapsyrylady dep kútilýde.
Jospar boiynsha «KiikbaiStroiServis» JShS Maqtaly, Qyzylqum, Abai aýyldyq okrýgterindegi 97 dana tik drenajdy qalpyna keltirý arqyly 16 myń gektar alqaptyń meliorativtik jaǵdaiyn jaqsartý kózdelgen bolsa, «Art-Qurylys» JShS Eraliev, Yntymaq, Sh.Dildábekov aýyldyq okrýgterindegi 113 dana tik drenajdy qalpyna keltirý arqyly 20 myń gektar alqapty qaita qalpyna keltirý kózdelýde.
Qazirdiń ózinde «Art-Qurylys» kompaniiasy 113 dana uńǵymanyń 60-yn burǵylap úlgergen. Merdigerler uńǵymalardy burǵylaýmen qatar kelesi jyldyń sońyna deiin jalpy uzyndyǵy 124 shaqyrymdy quraityn sý qashyrtqylaryn qalpyna keltirip, 230 shaqyrym elektr júielerin qaita iske qospaq.
80 myń gektarǵa tarta sýarmaly jeri, 10 myńǵa jýyq sharýa qojalyǵy bar aýdanda biylǵy jyly 40,8 myń gektarǵa maqta, 19,7 myń gektarǵa baqsha, 3,4 myń gektarǵa kókónis, 7,3 myń gektarǵa dándik júgeri men 6,6 gektar jerge mal azyqtyq daqyldar egilgen. Ótken jyly 45,2 gektar alqapqa maqta daqylyn egip, 122 myń tonna ónim alǵan sharýalar biyl 106 myń tonna «aq altyn» jinaýdy josparlap otyr. Búginde kúzgi jiyn-terim naýqany bastalǵaly 21 993 gektar maqtalyq alqap terilip, 50 102 tonna ónim jinalǵan.
Sonymen qatar, maqta jinaý naýqanyna bailanysty aýdanda jumys istep turǵan 7 maqta óńdeý zaýytynyń 77 maqta qabyldaý beketi bar. Búginde aýdan ákimdigi men aýdandyq prokýratýranyń tikelei aralasýymen maqta óńdeýshi zaýyttar men sharýalar arasyndaǵy qarjylyq operatsiialardy júrgizýdiń zańdylyǵyn saqtaý maqsatynda arnaiy kelisimshart úlgisi jasalyp, barlyq zaýyttarǵa taratylǵan.
Sharýalarmen kezdesý barysynda kúzgi jaýyn-shashynǵa qaldyrmai maqta terim naýqanyn sapaly uiymdastyrý, kúzgi jiyn-terimge beriletin memlekettik qoldaýlardy óz ýaqytynda kórsetý, maqta baǵasy men basqa da máselelerge toqtalǵan oblys ákiminiń orynbasary tiisti mamandarǵa maqta qabyldaý beketterindegi tarazydan aldaý, zerthanalarda maqta sapasyn qasaqana tómendetý sekildi jaǵdailarǵa jol bermeý kerektigin eskertti.
