Maqsat Úsenov taǵy da 10 táýlikke qamaýǵa alyndy. Búgin onyń isine qatysty sot sheshimi shyqty, dep habarlaidy «QazAqparat» tilshisi.
Budan ózge, Almaty-Bangkok baǵytyndaǵy ushaqtyń dárethanasynda temeki tartqandyǵyn aitqan ol bul áreketiniń sebebin túsindirdi. Bortseriktiń eskertýinen keiin Úsenov ushaq ishinde janjal shyǵarǵan.
«Tyiym salynǵanyn bilsem de, men baryp temeki shektim. Óitkeni men ózimdi jaisyz sezindim. Dárethanadan shyqqan soń, ornyma keldim. Bortserik meniń sómkemdi aqtara bastady. Bul oqiǵaǵa kýágerler de bar», - dedi Úsenov.
Aita keteiik, 28 maýsym kúni Maqsat Úsenovke ushý barysynda qaýipsizdik saqtamaǵany úshin QR Ákimshilik kodeksiniń 564-bap 5-tarmaǵy boiynsha úkim shyǵarylýy kerek bolatyn. Alaida ol sot zalyna kelmedi.
Sondai-aq, Maqsat Úsenov 5 maýsymda Almaty-Bangkok reisinde buzaqylyq jasap, bortserikke dórekilik kórsetken edi. Onyń bul əreketine qatysty qalalyq əkimshilik sot 10 təýlikke qamaýǵa alyp, 3 AEK kóleminde aiyppul saldy. Osy oqiǵadan soń Úsenov «Eir Astana» kompaniiasynyń destrýktivti jolaýshylarynyń sur tizimine ilindi.
