AMANAT partiiasynyń XXIII sezinde saiasi keńes quramyna úsh jańa adam endi, dep habarlaidy QazAqparat.
Partiia seziniń kún tártibindegi ekinshi másele boiynsha, AMANAT-tyń saiasi keńesine ózgeris engizý máselesi qaraldy.
«Partiianyń joǵary ókildik organynyń saiasi keńes quramyna ózgerister engizý týraly máseleni qaraýdy usynamyn. Partiia jarǵysynyń №9.1 pýnkti boiynsha, saiasi keńeske ózgeris engizý máselesi partiia seziniń airyqsha quzyretine jatady. Sizderdiń qaraýlaryńyzǵa AMANAT partiiasynyń saiasi keńes quramyna Eldar Tynyshbaiuly Jumaǵazievti, Maqsat Málikuly Tolyqbaidy, Dáýlet Tóleýtaiuly Muqaevty engizý máselesi usynylady», - dedi partiianyń atqarýshy hatshysy Ashat Oralov.
Sez delegattary bul usynysty da biraýyzdan qoldap daýys berdi.
