Maqsat Kikimov Almaty ákiminiń orynbasary qyzmetinen ketti, - dep habarlaidy Tengrinews.kz.
Ol bul týraly Instagram-paraqshasynda jazdy.
Kikimovtyń aitýynsha, 14 aqpannan bastap ol qala ákiminiń orynbasary qyzmetinen ketedi. Búgin onyń sońǵy jumys kúni. Sheneýnik áriptesteri men qalalyqtarǵa birlesken jumysy úshin alǵys aitty.
"Búgin Almaty qalasy ákiminiń orynbasary laýazymyndaǵy sońǵy kúnim. 10 jyl boiy ońtústik astana ákimdiginde úzdiksiz jumys istedim. Osy ýaqyt ishinde sizdermen birge qalamyzdyń igiligi úshin kóp nárse jasadyq. Qoldaý kórsetip, qarym-qatynas jasaǵandaryńyzǵa rahmet!
Sondai-aq, Baqytjan Saǵyntaevqa, barlyq áriptesime, ákimdik qyzmetkerlerine, máslihat depýtattaryna, Qoǵamdyq keńeske, qoǵamdyq uiymdarǵa, kommýnaldyq kásiporyndar men mekemelerge alǵys bildiremin. Biz barlyq ózekti máseleniń túbine jetýge jáne olardy ortaq kúsh-jigermen sheshýge tyrystyq", - dedi Kikimov.
Ol memlekettik qyzmetten ketetinin, alaida bolashaqta nemen ainalysatynyn áli sheshpegenin aitty.
