Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń halyq aldynda esep berý kezdesýinde tsifrlyq damý salasyndaǵy basym baǵyttar men sheshimin tapqan máselelerdi sóz etti, - dep habarlaidy «Ult aqparat».
Ministrdiń sózinshe, "EGov mobile" mobildik qosymshasynda tsifrlyq qujattar servisi sheńberinde 800 myńnan astam paidalanýshy paidalanǵan tsifrlyq qujattardyń 15 túri iske asyryldy. Olar: jeke kýálik, júrgizýshi kýáligi, týý týraly kýálik, neke qiiý týraly kýálik, tegin, atyn, ákesiniń atyn ózgertý týraly kýálik, nekeni buzý týraly kýálik, tehnikalyq pasport, COVID-19-ǵa PTR testileý nátijesi, stýdenttik bilet, diplom, zeinetker kýáligi, Kandas kýáligi, kólik quralyn tirkeý týraly kýálik, áleýmettik ID, vaktsinatsiia pasporty.
Pandemiia kezeńinde HQKO men bailanys ortalyǵyna júkteme eselep artty. Azamattarǵa arnalǵan korporatsiia qýattylyǵyn arttyrdy jáne búginde ortasha kútý ýaqyty 5 minýttan 100 sekýndqa deiin qysqardy.
Bul áli de uzaq, maqsat – 30 sekýnd.
"Biz ádemi áýenderdi tyńdap, azamattardy" telefonǵa ilip qoiýǵa "májbúrlemeýimiz kerek. Azamattarǵa yńǵaily bolý úshin memlekettik baj salyǵyn QR arqyly tóleýge bolady. Prezidenttik kadrlyq rezervtiń úlgisi boiynsha memlekettik korporatsiiada "talanttar pýly" qalyptastyryldy. Olardyń mindeti – ózgeris agentteri bolý. Búgingi tańda 350-den astam kandidat irikteýden ótti", - dedi Mýsin.
Ministrdiń aitýynsha, Qazaqstanda jańa ulttyq joba ázirlendi. Eldiń aqparattyq júiesine aýdit daiyndalýda. Biznes-protsesterdi ońtailandyrý maqsatynda tsifrlyq transformatsiia ortalyǵy quryldy. Ortalyqta halyqqa memlekettik qyzmet kórsetý kezinde memlekettik organdardyń aǵymdaǵy biznes-úderisteri zerdelenedi. Búginde memlekettik organdardyń usynystary negizinde protsesterdi jetildirý boiynsha jumystar júrgizilýde.
Memleket basshysy Toqaev Úkimettiń keńeitilgen otyrysynda "Tsifrlyq servisterdiń bizdiń ómirimizge enýimen jeke derekterdiń taralyp ketý qaýpi arta túsetinin" aitty.
"Biz derbes derekterdi qorǵaýǵa qatysty zańnamalyq bastamalardy pysyqtadyq. Biz sandyq kelisim men keri bailanys printsipin engizemiz. Mysaly, HQKO/memlekettik organǵa júgingen kezde azamattyń telefonyna arnaiy kod jiberiledi, ol osy kodty jazǵannan keiin ǵana HQKO/Memlekettik organ qyzmetkerleri adamnyń jeke derekterine qol jetkize alady. Tsifrlyq kelisim/keri qaitaryp alý qaǵidatyn engizý azamattar úshin qural bolady, onyń kómegimen olar ózderiniń derbes derekterine qatysty óz quqyqtaryn iske asyra alady, sondai-aq derbes derekterdi jinaýdyń zańdylyǵy men ashyqtyǵy qaǵidattaryn qamtamasyz etedi", - dep túsindirdi Mýsin.
Aita keteiik, tsifrlyq damý ministrliginde bolashaq ekonomikasynyń mynadai baǵyttary shoǵyrlanǵan: tsifrlandyrý, ǵarysh, kommýnikatsiia men bailanystyń jańa túrleri, aýqymdy derekter, bultty tehnologiialar jáne IT-sala.
Esterińizge sala keteiik, Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń halyq aldynda esep berý kezdesýinde tsifrlyq damý salasyndaǵy basym baǵyttar men sheshimin tapqan máselelerdi sóz etti.
Ministrdiń sózinshe, "EGov mobile" mobildik qosymshasynda tsifrlyq qujattar servisi sheńberinde 800 myńnan astam paidalanýshy paidalanǵan tsifrlyq qujattardyń 15 túri iske asyryldy. Olar: jeke kýálik, júrgizýshi kýáligi, týý týraly kýálik, neke qiiý týraly kýálik, tegin, atyn, ákesiniń atyn ózgertý týraly kýálik, nekeni buzý týraly kýálik, tehnikalyq pasport, COVID-19-ǵa PTR testileý nátijesi, stýdenttik bilet, diplom, zeinetker kýáligi, Kandas kýáligi, kólik quralyn tirkeý týraly kýálik, áleýmettik ID, vaktsinatsiia pasporty.
