Atyraýda jer máselesine qatysty miting uiymdastyrýshylar Maks Boqaev pen Talǵat Aian bes jylǵa bas bostandyǵynan aiyryldy, - dep habarlaidy "Ult aqparat". Úkim Atyraýdyń №2 qalalyq sotynda shyǵaryldy.
Maks Boqaev pen Talǵat Aian QR Qylmystyq kodeksiniń "Áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý", "Qoǵamdyq shara ótkizýdegi kórineý jalǵan aqparat taratý" jáne "Jinalystardy, mitingilerdi, piketterdi, kóshe sherýlerin jáne demonstratsiialardy uiymdastyrý men ótkizý tártibin buzý" baptary boiynsha aiypty dep tanyldy.
Eske salaiyq, munyń aldynda bul is boiynsha Atyraý sotynda biznesmen Toqtar Tóleshev kýálik bergen bolatyn. Odan Astanadaǵy tergeý abaqtysynan videokonferentsiia arqyly suraý alyndy. Toqtar Tóleshevtiń sózinshe, ol Maks Boqaevpen de, Talǵat Aianmen de jeke tanys bolmaǵan. Aqsha men jer reformasyna qatysty problemalar aitylǵan sózderdiń úzindilerin Talǵat Aianǵa ol basqa adam arqyly berip jibergen. "Men Internetten jer reformasynyń problemalaryna qatysty aitylǵan sózderdiń úzindilerin aldym. arlyǵyn qatty konvertke salyp, Nurǵaliǵa berdim de: "Volkovtan 150 myń dollar alasyń, onyń 100 myńyn salyp jiberesiń, 50 myńyn ózińde ustap júr, keiin aitqanda salasyń dedim. Nurǵali bul aqshany kimge, ne úshin, qandai maqsatta salatynymzydy bilmedi de. Jańa jaldan keiin Nurǵali maǵan kelip, sálemdeme jóneltilgenin aitty", - degen edi Toqtar Tóleshev.
Shymkenttik biznesmen jer reformasy máselelerin qazaqstandyqtar úshin jer máselesi asa mańyzdy bolǵandyqtan tańdaǵanyn aitty.
"Jer máselesi. Qazaqtar bolǵandyqtan. Óz jeri úshin olar sońyna deiin barady. Halyqtyń tolqýy... Bul qazaqtar úshin óte mańyzdy ekeni sózsiz. Men muny sol úshin tańdadym. Jerdi sheteldikter satyp alyp, keiin jer solarǵa tiesili bolatyndyǵy maǵan da unamady. Qazir de ondaidy qalamaimyn, shynyn aitqanda", - dep jaýap berdi kásipker prokýror suraǵyna. Tóleshev vitse-prezident bolǵysy kelgenin, mitingilerdi de sol úshin qarjylandyrǵanyn aitty.
