Foto: Aqorda
Frantsiia prezidenti Emmaniýel Makron Astanaǵa resmi sapary aiaqtalǵannan keiin X (Twitter) áleýmettik jelisindegi paraqshasynda qazaq tilinde jazba jariialady, dep habarlaidy "Ult aqparat".
"Iri derjavalar ústemdikke qaita umtylǵan, al keibirinen boljaýǵa bolmaityn áreket kútken álemde jańa perspektivalardy ortaq etýge jáne birge qurýǵa bolatyn seriktester men dostarǵa sene alý óte baǵaly. Qazaqstan men Frantsiia solardyń qataryna kiredi", - dep jazdy Makron.
Sondai-aq ol óz oqyrmandaryna Qazaqstan men Frantsiia arasynda kóptegen kelisim jasalǵanyn habarlady.
"Bul - kúrdeli syn-qaterlerge qarsy bizdiń yntymaqtastyǵymyz. Onda jastarymyz bar! Mádenietimiz ben tilimizdi bailanystyratyn dáneker retinde Astanada kezdestirgen jastar dostyǵymyzdy beineleidi", - dep jazdy Prezident.
Aita keteiik, keshe Frantsiia prezidenti Emmaniýel Makron Qazaqstanǵa resmi saparmen keldi. Ol Qasym-Jomart Toqaevpen shaǵyn formatta kelissózder júrgizdi. Odan keiin Qazaqstan men Frantsiianyń keńeitilgen formattaǵy kelissózderine qatysty, sondai-aq birneshe nysandy aralady.
Sapar qorytyndysy boiynsha Qazaqstan men Frantsiia birqatar qujatqa qol qoidy, sonyń biri – Qazaqstan men Frantsiia arasyndaǵy strategiialyq mineraldar boiynsha yntymaqtastyq jónindegi nietter týraly birlesken deklaratsiia.
Sapar aiasynda eki eldiń biznes-toptarynyń ókilderi de birqatar kelisim jasady.
