Foto: ashyq derekkóz
Belgili ánshi Maqpal Júnisova áleýmettik jelidegi paraqshasynda marqum kúieýi, qoǵam jáne memleket qairatkeri Zamanbek Nurqadilovtiń sońǵy jazbalaryn kópshilikpen bólisti, dep habarlaidy Ult.kz Beksports.kz saityna silteme jasap.
Ánshi jarynyń 2005 jyly ómirden óterinen az ýaqyt buryn jazǵan óleńderinen úzindi jariialap, jazbaǵa:
«Zamanbek Nurqadilovtiń 2005 jyly jazǵan sońǵy óleńderinen úzindi» – dep jazdy.
Óleń joldarynda júrek qimastyǵy men tereń ókinish baiqalady:
«Ólsem aq denemdi pyshaq salyp kespeńder.
Senesiń be? Bir ózińnen basqa jannan bir jaqsylyq kórmeppin…
Daryn qonǵan asyl janǵa erkindikti bermeppin…
«Mahabbat bar» – jete dep qoldy kóp jyl sermeppin…
Men jolyńdy asha almappyn, jibek jippen kermeppin…
Dirildegen ár ánińdi monshaq jasap termeppin…»
Bul jazbadan keiin jeli qoldanýshylary Maqpal Júnisovaǵa jyly pikirler men jubatý sózderin arnady.
«Áýlie kisi bolǵan eken-aý. Amanatyn arqalap júrgen ańyz ánshi»,
«Maqpal, sen baqyttysyń. Elin súigen, el súigen azamattyń jary boldyń»,
«Ómirden óterin sezgen siiaqty»,
«Aǵamyzdyń jazýynyń keremeti-ai!» – dep jazdy oqyrmandar.
Zamanbek Nurqadilov – elimizdiń tanymal qoǵam qairatkeri, Almaty qalasynyń burynǵy ákimi. Ol 2005 jyly jumbaq jaǵdaida qaza tapty.
