QR Premer-Ministri Asqar Mamin Aqmola oblysy Bulandy aýdanynyń Makinsk qalasyna jumys sapary aiasynda «Makinsk qus fabrikasy» JShS 2-kezeginiń ashylýyna qatysty, dep jazady primeminister.kz.
Qus fabrikasy keńeitýden keiin Ortalyq Aziiadaǵy taýyq etin óndirý kólemi boiynsha iri kásiporynǵa ainaldy. Saǵatyna 9 myń broilerdi qaita óńdeý qýattylyǵy qus etin óndirýdi jylyna 25 myń tonnadan 60 myń tonnaǵa deiin arttyrýǵa, Qazaqstannyń ishki naryǵynyń qajettiligin 22%-ǵa deiin qamtamasyz etýge jáne ónim importy úlesin 42%-dan 33%-ǵa deiin qysqartýǵa múmkindik beredi. 2-kezekti iske qosqannan keiin kásiporyndaǵy turaqty jumys oryndarynyń sany 800-den 1370 adamǵa deiin artty. Makinsk qus fabrikasy — qus etin óndirý jáne qaita óńdeý salasyndaǵy QR iri investitsiialyq jobasy.
Kásiporynnyń 1 jáne 2-kezektegi investitsiialarynyń jalpy kólemi 48,5 mlrd teńgeden asty. 3-kezektiń qurylysy boiynsha josparlardy iske asyrý 2023 jyly kásiporynnyń qýatyn jylyna 100 myń tonna qus etine deiin arttyrady, bul ósimdik sharýashylyǵyn damytýdy jáne irgeles salalarda jumys oryndaryn qurýdy yntalandyrady. Keńeitý jobasy aiasynda 40 mlrd teńgeden astam investitsiia tartylady.
Makinsk qus fabrikasy «Aitas» holdinginiń quramyna kiredi. Holding strategiiasyna sáikes, 2030 jylǵa deiin 350 mlrd teńgege jýyq investitsiiamen jylyna 350 myń tonnaǵa deiin et ónimderin óndirý kólemin arttyrý kózdelip otyr.
«2024 jylǵa qarai biz ishki naryqty otandyq óndiristiń negizgi azyq-túligimen, onyń ishinde qus etimen tolyq qamtamasyz etýimiz kerek. Makinsk qus fabrikasynyń óndiristik qýatyn odan ári keńeitý Qazaqstannyń azyq-túlik qaýipsizdigin nyǵaitady», — dedi A. Mamin.
Premer-Ministr «Makinsk qus fabrikasy» JShS qurama jem óndiretin zaýyttyń jumysyn bastap berdi. Jobanyń quny – 4,7 mlrd teńge, jobalyq qýaty – jylyna 150 myń tonna. Aldaǵy jyldary respýblikada jalpy qýattylyǵy jylyna 175 myń tonna ónim shyǵaratyn 12 jańa qus fabrikasy jumys istei bastaidy. Bul qus etiniń importyn almastyrý máselelerin tolyq sheshýge jol ashady.
Sondai-aq A. Mamin «Makinsk jylý oqshaýlaý zaýyty» JShS jylý oqshaýlaǵysh materialdaryn shyǵaratyn zaýytqa jáne Jumyspen qamtýdyń jol kartasy-2020 aiasynda salynǵan Makinsk qalasyndaǵy modýldik qazandyqqa bardy.
2020 jyldyń 11 aiynyń qorytyndysy boiynsha Aqmola oblysynda ónerkásiptik ónim óndirisiniń kólemi 928,6 mlrd teńgeni qurady, bul ótken jylǵy kezeńdegi kórsetkishten 6,6%-ǵa joǵary, aýyl sharýashylyǵyndaǵy jalpy ónim kólemi – 653,8 mlrd teńge (+12,7%).
