sýret ashyq derekkózden alyndy
Mal jaiylatyn aýmaqtan munai shyǵyp jatyr.
Atyraý oblysynyń Mahambet aýdanynda jaiylymǵa munai jaiyldy. Alaida óriske qara altyn tógip, qorshaǵan ortany kim lastaǵanyn ekologtar da, jergilikti bilik te bilmeidi, dep habarlaidy KTK telearnasy.
Kólemi 120 sharshy metrdi alyp jatqan bul aýmaqtan kezinde uńǵyma qazylypty. Keiin jer qoinaýyn paidalanýshy kompaniia sol kúii tastap ketken. Qazir jer de, uńǵyma da memleket menshiginde kórinedi. Sondyqtan munai tógilgen aýmaqty qorshaý jáne tazalaý jumysy Mahambet aýdanynyń ákimdigine júktelgen. Alaida ákimdiktegiler bul uńǵymany bitep, tazalaý ońai jumys emes dep otyr. Tipti, sheneýnikter uńǵyma qazyp, jaiylymdy lastaǵan qai kompaniia ekenin de ashyp aita almady.
"Bizge bul ońtústik Báimenke ken oryndaǵy K3 uńǵymasy delingen málimet joldady. Kimge tiesili ekenin bizge aitqan joq. Qazir memleket menshiginde degen jaýap keldi. Endi ákimdik jer zańnamasyna sáikes, jerdiń iesi kimge tiesili, sol jerdiń iesi tazalap, qalpyna keltirýge, ainalymǵa qosýǵa mindetti" - dedi Atyraý oblysy ekologiia departamenti basshysynyń orynbasary Syrym Tilegenov.
