سۋرەت اشىق دەرەككٶزدەن الىندى
مال جايىلاتىن اۋماقتان مۇناي شىعىپ جاتىر.
اتىراۋ وبلىسىنىڭ ماحامبەت اۋدانىندا جايىلىمعا مۇناي جايىلدى. الايدا ٶرٸسكە قارا التىن تٶگٸپ, قورشاعان ورتانى كٸم لاستاعانىن ەكولوگتار دا, جەرگٸلٸكتٸ بيلٸك تە بٸلمەيدٸ, دەپ حابارلايدى كتك تەلەارناسى.
كٶلەمٸ 120 شارشى مەتردٸ الىپ جاتقان بۇل اۋماقتان كەزٸندە ۇڭعىما قازىلىپتى. كەيٸن جەر قويناۋىن پايدالانۋشى كومپانييا سول كٷيٸ تاستاپ كەتكەن. قازٸر جەر دە, ۇڭعىما دا مەملەكەت مەنشٸگٸندە كٶرٸنەدٸ. سوندىقتان مۇناي تٶگٸلگەن اۋماقتى قورشاۋ جەنە تازالاۋ جۇمىسى ماحامبەت اۋدانىنىڭ ەكٸمدٸگٸنە جٷكتەلگەن. الايدا ەكٸمدٸكتەگٸلەر بۇل ۇڭعىمانى بٸتەپ, تازالاۋ وڭاي جۇمىس ەمەس دەپ وتىر. تٸپتٸ, شەنەۋنٸكتەر ۇڭعىما قازىپ, جايىلىمدى لاستاعان قاي كومپانييا ەكەنٸن دە اشىپ ايتا المادى.
"بٸزگە بۇل وڭتٷستٸك بەيمەنكە كەن ورىنداعى ك3 ۇڭعىماسى دەلٸنگەن مەلٸمەت جولدادى. كٸمگە تيەسٸلٸ ەكەنٸن بٸزگە ايتقان جوق. قازٸر مەملەكەت مەنشٸگٸندە دەگەن جاۋاپ كەلدٸ. ەندٸ ەكٸمدٸك جەر زاڭناماسىنا سەيكەس, جەردٸڭ يەسٸ كٸمگە تيەسٸلٸ, سول جەردٸڭ يەسٸ تازالاپ, قالپىنا كەلتٸرۋگە, اينالىمعا قوسۋعا مٸندەتتٸ" - دەدٸ اتىراۋ وبلىسى ەكولوگييا دەپارتامەنتٸ باسشىسىنىڭ ورىنباسارى سىرىم تٸلەگەنوۆ.
