Búgin Májilistiń Ekologiia máseleleri jáne tabiǵat paidalaný komitetiniń otyrysy ótip, depýtattar Ekologiia, geologiia jáne tabiǵi resýrstar ministri laýazymyna taǵaiyndaý týraly Maǵzum Myrzaǵalievtyń kandidatýrasymen kelisti. Bul týraly Parlament Májilisiniń baspasóz qyzmeti habarlady.
Bul másele «Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasy Konstitýtsiialyq zańynyń 22-1-babyna sáikes Komitet otyrysynda qaraldy.
Premer-Ministrdiń tapsyrmasy boiynsha kandidatty Premer-Ministr Keńsesiniń Basshysy Ǵalymjan Qoishybaev tanystyrdy.
Májilistiń Ekologiia máseleleri jáne tabiǵat paidalaný komitetiniń músheleri M.Myrzaǵalievke birqatar suraqtar qoidy.
Qazaqstan Respýblikasy Parlamenti Májilisi Ekologiia máseleleri jáne tabiǵat paidalaný komitetiniń otyrysynyń qorytyndysy boiynsha «Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasy Konstitýtsiialyq zańynyń 22-1-babyna sáikes Qazaqstan Respýblikasynyń Premer-Ministri usynǵan Maǵzum Maratuly Myrzaǵalievtyń kandidatýrasy Ekologiia, geologiia jáne tabiǵi resýrstar ministri laýazymyna taǵaiyndaý úshin usynyldy.
Otyrys sońynda depýtattar kandidatqa aldaǵy jumysynda tabys tiledi.
