Ekologiia, geologiia jáne tabiǵi resýrstar ministri M. Myrzaǵaliev Shanhai Yntymaqtastyq Uiymyna múshe memleketterdiń qorshaǵan ortany qorǵaý máselelerine jaýap beretin ministrlikteri men vedomstvolary basshylarynyń keńesine qatysty, dep habarlaidy "Ult aqparat" vedomstvonyń baspasóz qyzmetine silteme jasap.
Keńes barysynda ShYU elderiniń tabiǵat qorǵaý vedomstvolarynyń basshylary qorshaǵan ortany qorǵaý salasyndaǵy yntymaqtastyqtyń jai-kúii men damý perspektivalary máselelerin talqylady.
Ministr óz baiandamasynda 2020 jyly ShYU sammiti barysynda aitylǵan Memleket basshylarynyń tapsyrmalaryn oryndaý qajettigin atap ótip, osy maqsatta ShYU-ǵa múshe memleketterdiń ekologiialyq problemalarynyń reestrin ázirleýdi usyndy.
Sondai-aq, M.Myrzaǵaliev Aral óńiriniń ekologiia problemasyn keshendi sheshý máselelerin qozǵap, ShYU elderinde klimattyń ózgerýi, erekshe qorǵalatyn tabiǵi aýmaqtardy damytý jáne bioártúrlilikti saqtaý máseleleri boiynsha birlesken sheshimderdi izdeý qajettigin atap ótti. «Osyǵan bailanysty, ministr Aral teńiziniń qurǵaǵan tabanyn fitomelioratsiialaý jónindegi baǵdarlamany, ShYU-ǵa múshe memleketterdiń erekshe qorǵalatyn tabiǵi aýmaqtardy damytý salasyndaǵy yntymaqtastyq baǵdarlamasyn ázirleýdi, sondai-aq sirek kezdesetin janýarlardy saqtaý maqsatynda «ShYU ekojúielik tsifrlyq kartasyn» ázirleýdi usyndy», delingen habarlamada.
Osymen birge, Qazaqstan tarapy qorshaǵan ortany qorǵaý salasyndaǵy jobalardy qarjylandyrý úshin BUU baǵdarlamalary jelisi boiynsha halyqaralyq donor kómegńn tartý qyzmetti jandandyrý boiynsha birqatar bastamany atap ótti. Sondai-aq, ShYU sheńberinde tabiǵatty qorǵaý qyzmetiniń tiimdiligin arttyrý maqsatynda ministr ShYU-ǵa múshe memleketterdiń qorshaǵan ortany qorǵaý salasyndaǵy yntymaqtastyǵy týraly úkimetaralyq kelisimdi ázirleýdi usyndy.
Sonymen qatar, qazaqstandyq taraptyń bastamasy boiynsha keńes sheńberinde ShYU-ǵa múshe memleketterdiń qorshaǵan ortany qorǵaý máseleleri jónindegi birlesken jumys toby quryldy.
Kezdesý qorytyndysy boiynsha taraptar 2022-2024 jyldarǵa arnalǵan ShYU-ǵa múshe memleketterdiń qorshaǵan ortany qorǵaý salasyndaǵy yntymaqtastyq tujyrymdamasyn iske asyrý jónindegi is-sharalar josparyn maquldady jáne keńes hattamasyna qol qoiyldy.
