Maǵzum Myrzaǵaliev Prezidenttiń keńesshisi qyzmetinen bosatyldy, - dep habarlaidy Tengrinews.kz tilshisi Aqorda saityna silteme jasap.
"Memleket basshysynyń ókimimen Maǵzum Maratuly Myrzaǵaliev Qazaqstan Respýblikasy Prezidentiniń keńesshisi laýazymynan bosatyldy", - delingen Jarlyqta.
Maǵzum Maratuly 1978 jyly 7 qarashada Almaty qalasynda týǵan.
1999 jyly "Turan" ýniversitetin "ekonomist" mamandyǵy boiynsha támamdaǵan. Sondai-aq L.N. Gýmilev atyndaǵy Eýraziia ulttyq ýniversitetiniń Halyqaralyq qatynastar salasyndaǵy diplomatiialyq akademiiasynda oqyǵan. Odan bólek Esenov atyndaǵy Kaspii memlekettik tehnologiialar jáne injiniring ýniversitetinde "munai-gaz ken oryndaryn igerý" mamandyǵy boiynsha bilim alǵan.
2001-2004 jyldary - Teńiz jáne Batys Sibir kenishterinde «MIDrillingFluidsInternational» (Schlumberger) burǵylaý eritindileri jónindegi injener.
2004-2007 jyldary - «MIDrillingFluidsInternational» Aqtaý filialynda biznesti damytý menedjeri, óndiris jónindegi menedjer, filial basshysy.
2007-2010 jyldary - «QazMunaiGaz» UK» AQ «TeńizServis» JShS bas direktory.
2010-2012 jyldary - «QazMunaiGaz» UK» AQ basqarýshy direktory.
2010-2013 jyldary - «QazMunaiGaz» UK» AQ basqarma tóraǵasynyń innovatsiialyq damytý jáne servistik jobalar jónindegi orynbasary.
2013-2014 jyldary – QR munai gaz vitse-ministri.
2014-2019 jyldar – QR energetika vitse-ministri.
2019-2021 jyldary – Qazaqstan Respýblikasynyń ekologiia, geologiia jáne tabiǵi resýrstar ministri.
2021-2022 jyldary Qazaqstan Respýblikasynyń Energetika ministri boldy.
2022 jyldyń qańtarynan beri Prezident keńesshisi qyzmetin atqardy.
