Qurmetti joldasym, Sábit. Siz meniń Petropavlovskidegi orys mektebinde orys tili men ádebieti páninen sabaq berip júrgenimnen habardar bolarsyz. Ianvardyń basynda meni qyzmetimnen bosatý týraly másele qozǵalǵanymen de biraz ýaqytqa basylyp qalǵan edi. Biraq, ianvardyń sońynda bul jai taǵy áńgime boldy da, meni jumystan shyǵaryp jiberdi. Ne sebepti bosatylǵanymdy surasam, qalalyq oqý isiniń meńgerýshisi jalpy saiasi sebepterge bailanysty degendi aitty.
Mine, 20 shaqty kún boldy, jumyssyz otyrmyn. Dekabrde kórkem ádebietterdiń qazaq baspasymen Tolstoidyń "I Petr", Nekrasovtyń "Dekabristerin" aýdarýǵa kelisimshartqa otyrǵan edim. Sodan beri odan da habar joq. Ol jaqtan men óte qiyn halde oraldym. Ásirese, jumyssyzdyǵym janyma jaman batady.
Men Qazaqstanǵa jańa jolǵa túskenimdi ózimniń qalam ushymmen kórsetsem degen jalǵyz tilekpen oraldym. Qalai bolǵanda da ortalyqqa jetýim kerek dep sheshtim. Eger jolǵa qarajat tapsam, ortalyqqa barýdy oilap otyrmyn. Árine, óz halimniń múshkildigin aita otyryp, Sizdi de birdemege mindettegim kelmeidi. Sizge osylai jazýǵa qazirgi halim itermelep otyr. Keshirińiz. Bul hatty qydyryp kelgen týystarym jaqtan, "Stepniaktan" jazyp otyrmyn. Tórt-bes kúnnen soń qaitamyn.
Qurmetpen, Maǵjan.
20 fevral, 1937 jyl.
Áset Aqmoldanyń áleýmettik jelidegi jazbasynan
