SQO ákimi Qumar Aqsaqalov Maǵjan Jumabaev aýdannyń jańa basshysyn tanystyrdy, dep habarlaidy "Ult aqparat" oblys ákimdiginiń baspasóz qyzmetine silteme jasap.
Bul qyzmetke SQO aýyl sharýashylyǵy basqarmasyn basqaryp kelgen Qairat Omarov taǵaiyndaldy. Jiyn barysynda aimaq basshysy jańa aýdan ákimine naqty tapsyrmalar júktedi.
Aýdandy sońǵy 3 jylda basqarǵan Asqar Begmanov «Bolashaq» baǵdarlamasy boiynsha oqýǵa attanbaq.
Jiynnan keiin oblys ákimi aýdan ortalyǵy Býlaevta jaqynda ashylǵan dene shynyqtyrý-saýyqtyrý kesheniniń jumysymen tanysyp, jas sportshylarmen, aýdan turǵyndarymen tildesti.
Aita ketsek, Qairat Qairollauly 1979 jyly 15 naýryzda Kókshetaý oblysy Volodar aýdany, Prekrasnyi aýylynda týǵan.
«Femida» Qaraǵandy zań akademiiasynyń Kókshetaý filialyn, Kókshetaý ekonomika jáne menedjment institýtyn ekonomika bakalavry, zańger mamandyqtary boiynsha támamdaǵan.
Eńbek jolyn 1996 jyly Aiyrtaý aýdany Prekrasnyi ortalaý mektebinde muǵalim bolýdan bastady.
2004-2007 jyldar aralyǵynda Ǵabit Músirepov atyndaǵy aýdannyń ádilet basqarmasynyń jetekshi, bas mamany bolyp jumys istedi.
2007-2008 jyldar aralyǵynda Aiyrtaý aýdany ádilet basqarmasynyń bas mamany bolyp qyzmet atqardy.
2008-2012 jyldar aralyǵynda «Halyqqa qyzmet kórsetý ortalyǵy» RMK filialynyń Ǵabit Músirepov atyndaǵy aýdan boiynsha bóliminiń bastyǵy boldy.
2012 jyldan bastap osy taǵaiyndaýǵa deiin Ǵabit Músirepov atyndaǵy aýdan ákiminiń ekonomika jáne aýyl sharýashylyǵy jónindegi orynbasary qyzmetin atqardy.
2015 jyldan bastap, osy kúnge deiin Soltústik Qazaqstan oblysy aýyl sharýashylyǵy basqarmasynyń basshysy boldy.
