Foto: ashyq derekkóz
2025 jyldyń 6 mamyrynda Petropavl qalalyq soty «Magnum» jáne «Semeinyi» saýda jelilerin bopsalady dep aiyptalǵan eki azamatqa qatysty úkim shyǵardy, dep habarlaidy Ult.kz.
Tergeý barysynda anyqtalǵandai, eki Petropavl turǵyny saýda jelileriniń dúkenderine baryp, «reid» dep atalatyn beinetúsirilimder júrgizgen. Bul jazbalarda saýda oryndarynyń kemshilikteri men olqylyqtary kórsetilgen, ári bul aqparat bizneske aitarlyqtai ziian tigizýi múmkin edi. Kúdiktiler bul materialdardy áleýmettik jelilerde, atap aitqanda, Instagram men YouTube platformalarynda jariialaǵan.
Blogerler saýda jelileriniń ókilderinen beinetúsirilimderdi toqtatyp, jariialanymdardy joiý úshin aqsha talap etken. Olardyń áreketteri jábirlenýshilerdiń shaǵymdary, kýágerlerdiń aiǵaqtary jáne jasyryn tergeý áreketteriniń nátijeleri arqyly dáleldendi.
Sot alqabilerdiń qatysýymen ótken is boiynsha eki azamatty kináli dep taýyp, árqaisysyna 7 jylǵa bas bostandyǵynan aiyrý jazasyn taǵaiyndady.
