Magistýratýra jáne doktorantýraǵa qujattar Ulttyq testileý ortalyǵynyń aqparattyq júiesi arqyly qabyldanyp jatyr. Bul týraly QR BǴM Joǵary jáne joǵary oqý ornynan keiingi bilim departamentiniń direktory Ádilet Toibaev aitty, dep habarlaidy "Ult aqparat".
«Biyl magistýratýra jáne doktorantýraǵa qujattar Ulttyq testileý ortalyǵynyń aqparattyq júiesi arqyly qabyldanady. Magistratýraǵa qujattar qabyldaý osy jyldyń 18 maýsymy men 15 shildesi aralyǵynda júrgiziledi. Doktorantýraǵa qujattar 3 shilde men 3 tamyz aralyǵynda bir ai qabyldanady.
Magistratýraǵa keshendi testileý 20 shildeden 10 tamyzǵa deiin jalǵasady. Al doktorantýraǵa túsý emtihany 4-20 tamyz aralyǵynda ótedi.
Keshendi testileý nátijesi boiynsha magistratýraǵa bilim berý granttaryn berý konkýrsy 11-15 tamyz aralyǵynda, doktorantýraǵa 22-24 tamyz aralyǵynda júrgiziledi.
Magistratýra men doktorantýra boiynsha jalpy oqýǵa qabyldaý 28 tamyzda aiaqtalatyn bolady», - dedi ol ministrliktiń apparat jinalysynda.
Onyń atap ótýinshe, qazirgi ýaqytta magistratýraǵa qujattar Ulttyq testileý ortalyǵy aqparattyq júiesi arqyly qabyldanyp jatyr.
«Úmitker óziniń elektrondy poshtasy arqyly tirkelip, málimetterin toltyrady. Budan ary magistratýraǵa túsý baǵdarlamasy men joǵary oqý ornyn tańdaidy. Magistratýrada tek qana bir bilim berý baǵdarlamasy jáne 1 ǵana joǵary oqý orny tańdalady. Jalpy osy jyly keshendi testileý ótkizý formaty ózgerissiz qalady. 28 maýsymdaǵy aqparat boiynsha, qazirgi ýaqytta magistratýraǵa 6 142 ótinish qabyldandy. Úmitkerlerge keshendi testileý ótkizý ýaqyty jáne orny 18 shildege deiin jeke kabinetterine joldanady. Testileý aiaqtalǵan soń úmitker 30 minýt ishinde onlain formatta apelliatsiiaǵa bere alady», - dedi Ádilet Toibaev.
