ماگيستۋراتۋرا جەنە دوكتورانتۋراعا قۇجاتتار ۇلتتىق تەستٸلەۋ ورتالىعىنىڭ اقپاراتتىق جٷيەسٸ ارقىلى قابىلدانىپ جاتىر. بۇل تۋرالى قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ ايتتى, دەپ حابارلايدى "ۇلت اقپارات".
«بيىل ماگيستۋراتۋرا جەنە دوكتورانتۋراعا قۇجاتتار ۇلتتىق تەستٸلەۋ ورتالىعىنىڭ اقپاراتتىق جٷيەسٸ ارقىلى قابىلدانادى. ماگيستراتۋراعا قۇجاتتار قابىلداۋ وسى جىلدىڭ 18 ماۋسىمى مەن 15 شٸلدەسٸ ارالىعىندا جٷرگٸزٸلەدٸ. دوكتورانتۋراعا قۇجاتتار 3 شٸلدە مەن 3 تامىز ارالىعىندا بٸر اي قابىلدانادى.
ماگيستراتۋراعا كەشەندٸ تەستٸلەۋ 20 شٸلدەدەن 10 تامىزعا دەيٸن جالعاسادى. ال دوكتورانتۋراعا تٷسۋ ەمتيحانى 4-20 تامىز ارالىعىندا ٶتەدٸ.
كەشەندٸ تەستٸلەۋ نەتيجەسٸ بويىنشا ماگيستراتۋراعا بٸلٸم بەرۋ گرانتتارىن بەرۋ كونكۋرسى 11-15 تامىز ارالىعىندا, دوكتورانتۋراعا 22-24 تامىز ارالىعىندا جٷرگٸزٸلەدٸ.
ماگيستراتۋرا مەن دوكتورانتۋرا بويىنشا جالپى وقۋعا قابىلداۋ 28 تامىزدا اياقتالاتىن بولادى», - دەدٸ ول مينيسترلٸكتٸڭ اپپارات جينالىسىندا.
ونىڭ اتاپ ٶتۋٸنشە, قازٸرگٸ ۋاقىتتا ماگيستراتۋراعا قۇجاتتار ۇلتتىق تەستٸلەۋ ورتالىعى اقپاراتتىق جٷيەسٸ ارقىلى قابىلدانىپ جاتىر.
«ٷمٸتكەر ٶزٸنٸڭ ەلەكتروندى پوشتاسى ارقىلى تٸركەلٸپ, مەلٸمەتتەرٸن تولتىرادى. بۇدان ارى ماگيستراتۋراعا تٷسۋ باعدارلاماسى مەن جوعارى وقۋ ورنىن تاڭدايدى. ماگيستراتۋرادا تەك قانا بٸر بٸلٸم بەرۋ باعدارلاماسى جەنە 1 عانا جوعارى وقۋ ورنى تاڭدالادى. جالپى وسى جىلى كەشەندٸ تەستٸلەۋ ٶتكٸزۋ فورماتى ٶزگەرٸسسٸز قالادى. 28 ماۋسىمداعى اقپارات بويىنشا, قازٸرگٸ ۋاقىتتا ماگيستراتۋراعا 6 142 ٶتٸنٸش قابىلداندى. ٷمٸتكەرلەرگە كەشەندٸ تەستٸلەۋ ٶتكٸزۋ ۋاقىتى جەنە ورنى 18 شٸلدەگە دەيٸن جەكە كابينەتتەرٸنە جولدانادى. تەستٸلەۋ اياقتالعان سوڭ ٷمٸتكەر 30 مينۋت ٸشٸندە ونلاين فورماتتا اپەللياتسيياعا بەرە الادى», - دەدٸ ەدٸلەت تويباەۆ.
