Foto: facebook.com/aidarbek
Májilistiń jańa sailanǵan depýtaty, Respublica partiiasynyń tóraǵasy Aidarbek Hodjanazarov depýtatqa beriletin qyzmettik páter men jalaqydan bas tartýǵa daiyn ekenin málimdedi, dep habarlaidy Sputnik Qazaqstan.
Bul týraly ol Parlament Májilisiniń kýlýarynda aitty.
"Men - birqatar kompaniianyń aktsionerimin. Zań talaptary aiasynda ony senimdi basqarýǵa berdim, biraq osy kompaniialardan dividend alyp turamyn. Tiisinshe mende qarjylyq qiyndyq týyndamaidy. Sol sebepti depýtattyń jalaqysyna asa qatty úmittenip otyrǵan joqpyn", - dedi Hodjanazarov jýrnalister suraǵyna jaýap berip.
Ol eger qajet bolsa. zań boiynsha depýtatqa tólenetin ailyqtan bas tartýǵa daiyn ekenin jetkizdi.
Sondai-aq Hodjanazarov depýtattarǵa beriletin qyzmettik avtokólikke de muqtaj emes ekenin atap ótti.
"Meniń óz kóligim, júrgizýshim bar. Men kólikke, júrgizýshige muqtaj emespin. Biraq depýtattyq qyzmetimdi júzege asyrý úshin maǵan qyzmettik kólik qajet bolsa, men odan bas tarta almaimyn", - dedi partiia tóraǵasy.
Aita keteri, 19 naýryzdaǵy Májilis sailaýynyń qorytyndysy boiynsha Parlamentke alty saiasi partiia ótti. Olardyń arasynda biznesmenderden quralǵan Respublica partiiasy da bar.
