Foto: sk.kz
Energetika ministri Almasadam Sátqaliev Mańǵystaý atom elektr kombinatyndaǵy apatqa ne sebep bolǵanyn aitty, dep habarlaidy Sputnik Qazaqstan.
"MAEK kombinatynda jaǵdai kúrdeli ekenin bildik. Tek kompaniia qyzmetkerleri ǵana emes, oblys ákimdigi de, memlekettik energobaqylaý qyzmetkerleri de muny túsindi. Osy jaǵdaidy joiý úshin ákimdik 4,9 mlrd teńge surady. Biyl atalǵan kombinatqa 3,1 mlrd teńge qarastyrylǵan", - dedi Sátqaliev Úkimet kýlýarynda.
Onyń aitýynsha, MAEK-tegi apat – kásiporynnyń uzaq ýaqyt boiy jetkilikti qarjylandyrylmaýynyń saldary. Jabdyq tozǵan, kúrdeli jóndeý der kezinde tolyq júrgizilmegen, jalaqy tómen bolýyna bailanysty kásibi kadrlar jetispeidi.
"Osynyń bári apatqa sebep boldy. Mundai apatty jaǵdailardy joiý úshin ýaqyt qajet ekenin túsinýimiz kerek. Bul energokásiporynǵa arnalǵan jabdyq alty aidan segiz aiǵa deiin daiyndalady. Sondai-aq bilikti merdiger uiymdardy tartý úshin tender ótkizý qajet. Atalǵan blok boiynsha belgili bir jóndeý josparlanyp, ótkizildi. Sońǵy sheshim komissiianyń tekserisinen keiin qabyldanady", - dedi ministr.
Eske salsaq, 3 shildede MAEK energobloktarynyń biri isten shyqty. Sonyń saldarynan Mańǵystaý men Atyraý oblystarynda ónerkásiptik kásiporyndar jumysyn ýaqytsha toqtatýǵa májbúr boldy.
