Chempiondar Ligasynyń finalynda Madridtiń "Realy" jeńiske jetti, dep habarlaidy "Ult aqparat" Vesti.kz saityna silteme jasap.
Matchtaǵy jalǵyz goldy 59-minýtta Vinisiýs Jýnior saldy. 21 jastaǵy braziliialyq oiynshy qarsylas komanda qorǵaýshylarynyń sylbyr qimylyn baiqap, urymtal sátti utymdy paidalandy. Osylaisha, kezdesý bastalǵaly "koroldik" klýbtyń "Liverpýl" qaqpasyna jasaǵan alǵashqy soqqysy nátijeli aiaqtaldy.
Jalpy oiyn barysynda Iýrgen Klopp shákirtteri 90 minýttyń ishinde 23 soqqy jasap, onyń toǵyzyn dál baǵyttady. 6 ret buryshtama dobyn kóterdi. Alaida Tibo Kýrtýa qaqpasynyń sańylaýyn taba almady. Qorytyndy esep 0:1.
"Real" tarihynda 14 ret Eýropanyń basty klýbtyq týrniriniń trofeiin ielendi.
