چەمپيوندار ليگاسىنىڭ فينالىندا مادريدتٸڭ "رەالى" جەڭٸسكە جەتتٸ, دەپ حابارلايدى "ۇلت اقپارات" Vesti.kz سايتىنا سٸلتەمە جاساپ.
ماتچتاعى جالعىز گولدى 59-مينۋتتا ۆينيسيۋس جۋنيور سالدى. 21 جاستاعى برازيلييالىق ويىنشى قارسىلاس كوماندا قورعاۋشىلارىنىڭ سىلبىر قيمىلىن بايقاپ, ۇرىمتال سەتتٸ ۇتىمدى پايدالاندى. وسىلايشا, كەزدەسۋ باستالعالى "كورولدٸك" كلۋبتىڭ "ليۆەرپۋل" قاقپاسىنا جاساعان العاشقى سوققىسى نەتيجەلٸ اياقتالدى.
جالپى ويىن بارىسىندا يۋرگەن كلوپپ شەكٸرتتەرٸ 90 مينۋتتىڭ ٸشٸندە 23 سوققى جاساپ, ونىڭ توعىزىن دەل باعىتتادى. 6 رەت بۇرىشتاما دوبىن كٶتەردٸ. الايدا تيبو كۋرتۋا قاقپاسىنىڭ ساڭىلاۋىن تابا المادى. قورىتىندى ەسەپ 0:1.
"رەال" تاريحىندا 14 رەت ەۋروپانىڭ باستى كلۋبتىق تۋرنيرٸنٸڭ تروفەيٸن يەلەندٸ.
