Madrid qalasyndaǵy turǵyndarǵa jańa karantindik shekteýler engizildi. Buǵan Ispaniianyń Covid-19 infektsiiasynyń ekinshi kúrdeli tolqymen kúres sharalary sebep bolyp otyr, dep habarlaidy BBC agenttigi.
Osy demalys kúnderinen bastap el turǵyndary óz aýdandarynan tek mańyzdy saparlar úshin ǵana shyǵa alady.
Eldegi barlar men meiramhanalar saǵat 22:00-den keiin jumys istemeidi. Bul sharalardy Ispaniianyń federaldyq úkimeti talap etken. Ol sondai-aq el astanasynyń toǵyz qalasynda osyndai sharalar engizýdi talap etýde.
Shekteýlerdiń engizilýine Madrid qalasynyń biligi qarsy shyqqan. Tipti, shekteýlerdiń engizilýine jol bermeý úshin sotqa júgingen. Madrid qalasynyń Ádilet ministri bul el astanasyn ekonomikasyna 8 milliard eýro shyǵynǵa batyratynyn málimdedi.
Eske sala ketsek, Ispaniia úkimeti Madrid pen onyń mańyndaǵy toǵyz qalanyń jergilikti biligine 48 saǵatqa karantindik sharalar engizýdi tapsyrdy. Ispaniiada Covid-19 aýrýyna shaldyqqandar sany artýda. Sońǵy eki aptada elde 133 myńnan astam adam koronavirýs juqtyrǵan. Olardyń úshten biri el astanasynan. Engizilgen jańa sharalar boiynsha, atalǵan qala turǵyndary aýdandar arasyna qatynai almaidy. Tek jumysqa, oqý oryndaryna, sondai-aq dárigerge nemese jaqyndaryna qajettilik bolǵan jaǵdaida ǵana ruqsat etilgen. 6 adamnan artyq toptasyp júrýge tyiym salynǵan.
